Evento: Os Resentidos

Foi en xuño do 2016 cando Os Resentidos editaron o seu último álbum, gravado en directo en colaboración coa Big Band da histórica “A Lira” de Ribadavia. Entón, un complicado accidente de Antón Reixa, impediu que a banda presentase o traballo, e a súa actividade quedou interrumpida ata o verán do 2018 onde comezaron a xirar novamente.

Con 'A Revolución non será televisada', Os Resentidos fan súa unha versión do histórico poema de GIL SCOTT HERON, figura recurrente nas mobilizacións do Black Power e pedra angular do inicio do amplo movemento de rap e hip hop a nivel mundial.

Os Resentidos , retoma con este tema, a consigna que abordaron no ano 1988 con “Galicia Sitio Distinto” sendo unha das primeiras bandas que en Galicia e España incorporaron o rap e o hip hop ao seu repertorio.