Evento: Encontro ‘Atlantic Emprende + Gaiás’

A Xunta de Galicia promove 'Atlantic Emprende + Gaiás' abrindo, por terceiro ano consecutivo, un espazo para o encontro, o debate e a formación de profesionais, estudantes, emprendedores e empresas da industria musical. O evento abrirá cun faladoiro con Brett Anderson –vocalista da banda británica Suede­–, ao que seguirán as conferencias do deseñador Javier Mariscal e Alba Barneda, a directora de produción de CANADA, a axencia barcelonesa da que saíron icónicos videoclips musicais como o Malamente de Rosalía.

O evento 'Atlantic Emprende + Gaiás' forma parte da programación que impulsa a Cidade da Cultura para promover a cultura emprendedora no eido das industrias creativas galegas. Ofrece a oportunidade de escoitar a figuras de primeiro nivel do sector, tanto do eido creativo como empresarial. Xa se pode retirar a entrada para asistir ao encontro, organizado en colaboración co Festival Atlantic Fest,  a un prezo de 10 euros (12 en billeteira) e a través da web da Cidade da Cultura ou atlanticfest.com/emprende.

PROGRAMA 29 DE FEBREIRO

17:00h Brett Anderson, vocalista de Suede

‘Tardes de persianas baixadas’

Conducida polo xornalista e presentador de TV, Johann Wald

18:00h Alba Barneda, axencia CANADA

‘Creativos de nova xeración. O poder da imaxe na música ou na publicidade’

19:00h Javier mariscal deseñador

‘Fascinar, sorprender, convencer’

O 'Atlantic Emprende + Gaiás' enmárcase na programación do Centro de Emprendemento (CEM) da Cidade da Cultura, espazo que, ao longo de todo o ano, desenvolve diferentes actividades dirixidas a promover a cultura emprendedora na Comunidade.