Evento: Fillos do sol

Fillos do sol
sábado, 23 novembro, 2019 - 20:30
Casa da Cultura
, Xinzo de Limia

Fillos do sol

A elucubración teatral dirixida por Cándido Pazó sobre a figura de Eduardo Pondal e a súa obsesión coa obra que o ocupou toda a súa vida como escritor, Os Eoas, chega ao FalaRedes 2019 da man de Contraproducións.

O programa de dinamización lingüística da Secretaría Xeral de Política Lingüística dáse cita, na recta final da súa oitava edición, co controvertido escritor que, xunto con Rosalía e Curros, constituíu un dos tres pés poéticos do Rexurdimento Galego e que encamiñou a súa obra á recuperación da lingua e da cultura galegas.

Fillos do sol é unha peza teatral emotiva e divertida sobre os derradeiros anos de Eduardo Pondal, escrita e dirixida por Cándido Pazó, con César Cambeiro, Adrián Ríos e Alba Bermúdez. A peza, a cabalo entre a realidade ficcionada e a fabulación dramática, presenta o personaxe desdobrado nun DON EDUARDO, xa octoxenario e comesto pola neurose dos seus últimos anos, confronta as súas dúbidas, medos e insatisfaccións creativas cun personaxe nacido da súa perturbación: EDUARDO, que non é outro ca el mesmo, de mozo, nos inicios da súa carreira literaria. E, como contrapunto, a vida real e diaria representada por ROSA, a criada nova da pensión na que o bardo pasou a derradeira etapa da súa vida.

Dirixida a público adulto desde os 14 anos, poderase gozar, do 3 de novembro ao 8 de decembro, en nove localidades da Rede de Dinamización Lingüística: Cambados, Mos, Foz, Viveiro, Verín, Xinzo de Limia, Santa Comba, As Neves e Salceda de Caselas.

Máis eventos do ciclo FalaRedes

Voa, voa
15 de xullo, 20:00
Casa da Cultura
Voa, voa
16 de xullo, 12:00
Casa da Cultura
Voa, voa
17 de xullo, 21:00
Teatro Coliseo Noela
Voa, voa
18 de xullo, 21:00
Local Social Xente Nova de Tabeaio