Evento: Novela de campus

A novela de campus, tamén denominada como novela universitaria, novela académica ou novela da vida universitaria, é un xénero importado do mundo anglosaxón que se vén cultivando cada vez máis no noso país. Son novelas que narran todo o que ten lugar nun ambiente universitario (no campus da Universidade). Contan as historias dos seus habitantes, profesores ou estudantes, e todo o que ten que ver coa docencia ou a aprendizaxe.

Nesta mostra bibliográfica seleccionamos da colección da nosa biblioteca algunhas novelas cuxa trama principal desenvólvese na contorna universitaria.

Pode visitarse no 2º andar durante o horario de apertura da biblioteca.