Evento: Día da Ilustración

O Día da Ilustración, 30 de xaneiro, é unha iniciativa da Consellería de Cultura e Turismo da Xunta de Galicia en colaboración coa Asociación Galega de Profesionais da Ilustración (AGPI).

Durante este mes de febreiro e acompañando a mostra da obra pictórica de Afonso Daniel Rodríguez Castelao, mostramos na sala de exposicións de Biblioteca Pública de Lugo:

12 mundos: ilustradores de literatura checa contemporánea para nenos.​

Desde o venres 1 de febreiro a Biblioteca Pública de Lugo alberga a mostra que recolle a obra de doce ilustradores e ilustradoras checas de literatura infantil. Cada un deles representa unha forma de expresión propia. A exposición enmárcase na celebración de varios aniversarios: os 30 anos de lingua e cultura checas no Instituto de Idiomas da Universidade de Santiago de Compostela que, na actualidade, é o Centro de Linguas Modernas CLM USC, o centenario da fundación de Checoslovaquia e os 50 anos da Primavera de Praga. 

Entrada libre durante o horario de apertura da biblioteca durante o mes de febreiro.

Desde a Biblioteca Pública de Lugo queremos facer un pequeno homenaxe a ilustradora e artísta checa KVETA PACOVSKA admirando a súa obra infantil na Rede de Bibliotecas de Galicia

Xunto ao mostrador de información.