Evento: Con Galiza sempre no horizonte

Documentos, fotografías e mostras do seu traballo dan a coñecer o tempo que Camilo Díaz Baliño e Isaac Díaz Pardo, pai e fillo, pasaron xuntos en Santiago de Compostela, entre 1920 e 1936, un período de 16 anos no que Díaz Baliño non só foi o responsable dos eventos artísticos do concello santiagués senón tamén un nome clave no deseño gráfico e editorial, na cartelería ou na escenografía. Na mostra poden tamén verse os retratos que Díaz Baliño fixo dos seus compañeiros de prisión nos primeiros meses da Guerra Civil. 

A exposición conta tamén cunha segunda parte, que permite descubrir a visión da actividade artística, industrial e cultural de Isaac Díaz Pardo tras ter que deixar Santiago. 

A mostra está comisariada por Xosé Ramón Fandiño Veiga y Gloria López López.