Evento: 15ª Mostra de Arte Naturgy

A  Mostra é unha bienal de arte celebrada desde 1989 que reflicte como os artistas visuais actuais exploran as súas inquietudes e ideas a través das técnicas máis diversas, abundando nesta edición excelentes reflexións sobre o territorio. A exposición constrúese a partir dunha convocatoria que retou ao xurado para seleccionar 55 artistas e catro premios de entre as máis de 400 obras presentadas ao certame. Finalmente, decantáronse pola belísima cartografía de José Ramón Amondarain (Primeiro Premio), a odisea fílmica de Bárbara Sánchez Barroso (Segundo Premio), o testemuño dun enfrontamento por Lola Lasurt (Terceiro Premio) e a instalación de Sara Coleman (Premio Julián Trincado, outorgado polo Concello da Coruña).