Evento: V Carreira Camiño das Letras

  • V Carreira Camiño das Letras
xoves, 17 maio, 2018 - 10:00
Do Pico Sacro á Cidade da Cultura
, Santiago de Compostela

V Carreira Camiño das Letras

As inscricións están xa abertas ata o 14 de maio

A V Carreira Camiño das Letras volverá unir o famoso Pico Sacro coa Cidade da Cultura de Galicia o vindeiro 17 de maio, Día das Letras Galegas, dedicado a María Victoria Moreno. A nova edición da Carreira Camiño das Letras abrirase cunha proba absoluta desde o Pico Sacro, seguindo a Ruta da Prata, ata a Cidade da Cultura e cun circuíto para as categorías de menores nos exteriores do Gaiás. A iniciativa, promovida por Xurdir, coa colaboración da Consellería de Cultura, quere convidar a toda a cidadanía a celebrar as Letras Galegas desde o ámbito deportivo poñendo en valor o Camiño de Santiago.

As inscricións están xa abertas ata o 14 de maio no web www.carreirasgalegas.com. Todas as persoas participantes que finalicen a proba de adultos e de menores recibirán como agasallo un libro e máis o diploma Camiño das Letras. A rapazada recibirá tamén unha medalla conmemorativa da carreira. A entrega de premios aos gañadores realizarase ao remate das probas. Recibirán como premio: os 3 primeiros clasificados (en mulleres e homes) da proba absoluta, un trofeo deseñado especialmente para a proba e un lote de libros; os tres primeiros clasificados das categorías de pitufo a máster recibirán un lote de libros; e o centro escolar e o club que máis alumnado achegue á proba recibirá un trofeo e un lote de libros.

Máis eventos de tipo Visita guiada/Roteiro

Visitas guiadas no CGAC
1 de outubro a 31 de xullo
Centro Galego de Arte Contemporánea
Visitas para escolares no Museo de Belas Artes
Visitas e actividades educativas
17 de outubro a 21 de xuño
Museo de Belas Artes
Visita ao castro de San Cibrao de Lás
26 de maio
Parque Arqueolóxico da Cultura Castrexa
Visita ao castro de San Cibrao de Las
26 de maio
Museo Arqueolóxico Provincial de Ourense