Evento: Escenas do Cambio

O Festival de Inverno de Teatro, Danza e Arte en Acción Escenas do Cambio volve a Santiago de Compostela nunha cuarta edición. En total, serán 13 os espectáculos representados, de compañías procedentes de varios países (España, Portugal, Marrocos, Siria, Francia e Italia). Estela Lloves, Félix Fernández, IlMaquinario e Voadora serán a representación da escena galega. 

Aínda que o Museo Gaiás e a Biblioteca e Arquivo de Galicia, na Cidade da Cultura, serán parte dos espazos nos que se representarán obras, o festival continuará nesta edición a liña xa comezada e levará os espectáculos a outros espazos da cidade, como o Teatro Principal, o Salón Teatro, o CGAC e a Sala Agustín Magán.