Evento: Pergamiño Vindel e a música no tempo de Martín Códax

  • Pergamiño Vindel
sábado, 18 novembro, 2017 - 15:00
Casa da Navegación de Baiona
, Baiona

Pergamiño Vindel e a música no tempo de Martín Códax

Charla concerto sobre o Pergamiño Vindel e o seu tempo a cargo de Pres de Cambral

Que é o Pergamiño Vindel? U-la súa relevancia musical? Como soaban as cantigas de amigo? Con que instrumentos se tocaban? Estas e outras preguntas atoparán resposta nas charlas-concerto O Pergamiño Vindel e a música no tempo de Martín Códax, nas que a conversa alternará coa música ao vivo.

O grupo Pres de Cambrai, nun formato de charla-concerto, emprenderá nos obradoiros unha viaxe ao pasado a través da música dos trobadores, na que se interpretarán diferentes mostras da música dos séculos XII e XIII. Para iso empregarase unha nutrida colección de réplicas de instrumentos medievais, realizadas por diferentes obradoiros de artesáns, a partir de fontes como as miniaturas das Cantigas de Santa María, do Cancioneiro da Ajuda ou da iconografía en pedra do Pórtico da Gloria.

Deste xeito, o público asistente poderá mergullarse na estética musical da Idade Media, de maneira rigorosa, para contextualizar as cantigas de Martín Códax e, ao tempo, para familiarizarse cos instrumentos específicos da época

Máis eventos de tipo Obradoiro

Actores de papel
Actores de papel
26 de xaneiro
Biblioteca Pública de Lugo
Federico Ribas, pequena biografía ilustrada
26 de xaneiro
Biblioteca Pública de Pontevedra Antonio Odriozola
Os nenos xogamos co ioga
26 de xaneiro
Biblioteca Pública de Ourense