Evento: La velocidad del otoño

Trátase dunha obra teatral creada por Eric Coble na que actúa un reparto inigualable, con artistas recoñecidos no territorio nacional, son Lola Herrera e Juanjo Artero, que despois de tantos anos traballando como actores en teatro, televisión e cine, contan cunha gran profesionalidade no seu ámbito. Ademais, a encargada de dirixir a obra é Magüi Mira, unha actriz e directora de escena con moita fama dado o seu éxito na obra El discurso del rey.

A obra trata sobre unha muller, Alejandra, de elevada idade, que fala coa súa familia sobre o lugar onde pasará os últimos momentos da súa vida. Ademais aparece o seu fillo, que levaba 20 anos desaparecido, o que fai que a muller experimente cambios drásticos nas relacións cos seus achegados. Toda esta historia trátase desde o humor e a comedia para contemplar os problemas familiares habituais desde un punto de vista diferente.