Evento: Os xeitos do común perante a propiedade e a débeda

A biblioteca acolle un ciclo de conferencias no marco do Programa Filosofía nas Bibliotecas, que ten como obxectivo fomentar e apoiar a difusión do pensamento filosófico nas bibliotecas públicas galegas.

Lucía Castro, licenciada en Filosofía pola Universidade de Santiago de Compostela e Diploma de Estudos Avanzados en 2006 polo Departamento de Filosofía da Universidade Autónoma de Madrid pronuncia a conferencia Os xeitos do común perante a propiedade e a débeda.

Lucía Castro tamén foi investigadora de posgrao na USC e participou en varios grupos de investigación, entre eles, Filosofía do Imperio e Filosofía Xeopolítica da Historia. Entre as súas publicacións cómpre citar artigos como El pensar como potencia en Martin Heidegger (2007), Lógos y téchne. El lenguaje en la pro-ducción (2009) e É nosa a terra? Polo acontecemento da non-propiedade (2012).

Tras unha estadía de investigación na Albert-Ludwigs Universität de Freiburg (Alemaña), volve á Coruña en 2011, onde colabora en diferentes proxectos sociais da cidade e participa nas actividades culturais promovidas pola asociación Proxecto Derriba, da que forma parte.

Salón de actos, entrada libre ata completar a capacidade da sala.