Evento: Gdjazz Trío

GDJAZZ TRIO é unha formación de jazz acústico enfocada na interpretación de temas do estilo "hard-bop" incluindo tamén música orixinal do seu band-leader Javier Pereiro.
 O trío ven a ser unha das formacións que brindan máis liberdade aos músicos nos campos da interpretación, expresión artística e comunicación, permitíndolles acadar unhas cotas de enerxía e emotividade por riba do habitual. Ó mesmo tempo este formato resulta altamente desafiante pola súa dificultade, xa que como se soe dicir, canta máis liberdade, maior responsabilidade.
 É por isto que se fai necesaria a participación de músicos con grande mestría, experiencia e creatividade, como é o caso destes tres grandes músicos cos que temos sorte de contar no panorama galego.

 Javi "GDjazz" - Trompeta
 Paco Charlín - Contrabaixo
 Iago Fernández - Batería