Evento: Lago Rivera: No principio dun mundo, 1916-2016

Proxecto expositivo desenvolvido pola AFundación en colaboración coa Xunta de Galicia no centenario do nacemento do artista coruñés. A exposición articúlase a través de 53 obras nas que se poden ver os cambios conceptuais e formais da arte do pintor ao longo de corenta anos. 

Esta exposición é unha homenaxe a este pintor senlleiro  da plástica galega da segunda metade do século XX, no ano do centenario do seu nacemento. O Teatro Afundación Vigo acolle nesta mostra unha selección das pezas máis importantes da súa traxectoria. Un merecido recoñecemento da cidade a un dos seus artistas máis representativos.