Evento: Documentos singulares no AHP Lugo

Documentos singulares no AHP Lugo
xoves, 9 xuño, 2016 - 11:00
Arquivo Histórico Provincial de Lugo,
Lugo

Documentos singulares no AHP Lugo

Para festexar esta efeméride dáse a coñecer a estatística escolar da Escola da Ermida, realizada nos anos cuarenta

Presentación dunha nova achega de serie Documentos singulares. O documento é a resposta que ofrece o mestre da Escola Nacional Mixta da Ermida, parroquia do Chao de Fabeiro en Monforte de Lemos e situada no lugar de Porto de Lobos á circular da Sección Administrativa de Primeiro Ensino de Lugo de 16 de xaneiro de 1943 que ordenaba ás Xuntas Municipais de Primeiro Ensino a remisión urxente de datos das escolas de cada municipio.

Ademais da presentación deste documento, publicarase un folleto descritivo, onde se describirá este seguindo as directrices dá NOGADA (Norma Galega de Descrición Arquivística), que adapta á realidade galega a norma internacional de descrición arquivística ISAD(G).

Esta estatística escolar consistía nun informe exhaustivo tanto das escolas municipais como das privadas ou das de padroado no que constaba o nome da escola, lugar e clase das mesmas. Así mesmo debía facer referencia ao historial do centro, data de creación, distrito escolar que abarcaba e poboación infantil do mesmo, e ademais datos de matrícula media por anos de cada escola desde 1911 ata 1942, institucións complementarías existíanse, plano do edificio escolar e esbozo do distrito entre outros datos.

Descargas

Máis eventos de tipo Xornada/Congreso

Toponimízate 2025
20 de xuño
Centro de Interpretación da Lagoa de Antela
Curso de verano USC_Relatos_da_morte
Relatos da morte no pasado: ósos, pedras, barro e tinta
26 de xuño a 27 de xuño
Museo A Domus do Mitreo
Toponimízate 2025
27 de xuño
Centro de Saúde