Evento: Concerto de Böj

O grupo Boj nace no ano 2002 con só dous integrantes: Koke Folgueira (guitarra e bouzuoki) e Xaime Villamor (frauta e gaita). O repertorio nesa época do grupo era moi variado, con pezas de diferentes tradicións e folklores como o galego, asturiano, irlandés, escocés e bretón, e as actuacións que facía o grupo eran xeralmente en pubs, festas e algún que outro festival. A finais de 2004 súmase a expedición Pablo Vergara (bodharm) e o grupo segue conservando o seu repertorio habitual.
No ano 2008 coa incorporación ó grupo de Fausto Escrigas (whistles) e Hannah Kitts (violín e baile irlandés) comeza a coller forza o repertorio irlandés e escocés, repertorio baseado na elección de temas da tradicionais, arranxandos e dándolles un toque e un son propio, con tintes de música galega de maneira que fan música irlandesa e escocesa dun xeito persoal á que se suman temas propios.

Durante todos os seus anos de vida foi habendo un ir e vir de compoñentes e incluso momentos críticos para a subsistencia da banda. Nese baile de incidencias tamén se produce o cambio de nome do grupo pasando de Boj (buxo) a Böj (loita batalla en linguas de europa do leste).
Actualmente o grupo está composto por Fausto Escrigas (low whistle y bouzouki), Hannah Kitts (violín e baile irlandés), Matthew Ward (acordeón), Rubén Gómez (guitarra), Pablo Vergara (bodharm) e Ricardo Mouriño (gaita galega, tin whistle e frauta traveseira).