Evento: Tristán cara de can

Pensada para o público infantil de 3 a 12 anos, a montaxe conta a historia de Tristán, un rapaz que un día, de tan triste que estaba, decidiu arrancar o seu corazón para nunca máis sofrer e deullo a un paxaro que pasaba por alí. Mais as cousas non lle sairon como el esperaba. Tristán non deixou de sofrer, e o que foi peor, nunca máis un sorriso se debuxou nos seus beizos. A partir daquel día pasaron a chamarlle Tristán cara de can. Pero a historia non remata así... Dentro dunha misteriosa caixa aparece unha boneca de trapo que vai tentalo todo para facer rir ao noso personaxe. Será ela capaz?

O seu é a comedia xestual interpretada ao estilo dos debuxos animados onde as palabras se transforman en xestos. 

Espectáculo dentro da programación 12 doces de outono