Evento: Festival Internacional do Emigrante

A parroquia de San Miguel de Reinante en Barreiros reúne desde 1980 a grupos de danza e música folclórica de Galicia, doutras comunidades autónomas e doutros continentes, con motivo da celebración do Festival Folclórico Internacional do Emigrante, que organiza a Asociación Folclórica O Arco da Vella.
Coa distinción de Festa de Interese Turístico Galego, que acadou no ano 2007, recoñécese a súa singularidade, o arraigamento e o valor cultural que a tinguiu en máis dun cuarto de século de vida.

Nesta 34ª edición os grupos participantes son:

• Agrupación Kriba Budaya de Indonesia
• Academic Akud Mika Mitrovic de Belgrado (Serbia)
• Frupo Folclórico La Rosa del Azafrán de Consuegra (Toledo)
• A.F. O Arco da Vella grupo organizador de San Miguel de Reinante

En caso de que a climatoloxía non permita o acto ao aire libre o espectáculo celebraríase no Pavillón.