Evento: Concerto da Banda Artística de Merza

Este ciclo de actuacións de bandas de música populares constitúe un agradecemento aos numerosos peregrinos que veñen a Santiago de Compostela como etapa final do Camiño. Deste xeito, despois da misa do peregrino, os camiñantes poderán deleitarse durante unha hora con estes concertos sen ter que realizar ningunha reserva previa e sen ningún tipo de custo.
O ciclo, ademais, contribuirá á divulgación, defensa, asesoramento e promoción das Bandas Populares da nosa comunidade en particular e a música galega en xeral.

Neste caso péchase o ciclo coa actuación da banda máis antiga de Galicia, fundada no 1828.