Evento: A memoria da cor

Exposición de pintura e escultura do artista Xaquín Chaves.

Se hai un elemento que sempre definiu o traballo de Chaves é a cor, que o artista define como “máxica”. A través de veladuras, manchas, campos cromáticos e outros casos onde a pincelada é máis xestual “A memoria dá cor” pon de manifesto a habilidade do artista para traducir, a través do seu dominio da linguaxe cromática, vivencias, sensacións ou recordos persoais trasladándoos á pintura e, por extensión, ao espectador que a contempla.
O branco e o negro tamén teñen un espazo nesta mostra, a través de dúas pezas escultóricas que traducen o espírito poliédrico de Xaquín Chaves e o seu interese pola experimentación con diferentes materiais, como a pedra calcaria, o ferro ou a madeira.