Evento: Arqueoloxía en Monodose

Nesta ocasión, dentro do ciclo "Arqueoloxía en monodose", que organiza o Museo, Xosé Pedro Rodríguez Álvarez e Arturo de Lombera Hermida serán quen presenten "Sima del elefante (Atapuerca) e o primeiro poboamento de Europa".  Os xacementos de Atapuerca están a contribuír ao coñecemento do poboamento europeo, así como á historia da especie humana. É o caso da Sima del Elefante, onde se recuperou o fósil dun novo ser humano que habitou o continente europeo hai uns 1,4 millóns de anos.

Xose Pedro Rodríguez Álvarez é doutor en Historia pola URV, investigador desta Universidade e do IPHES; membro do Equipo de Investigación Atapuerca dende 1989, e corresponsable do xacemento da Sima del Elefante. En Galicia codirixe as escavacións de Cova Eirós.

Arturo de Lombera Hermida é doutor en Historia pola USC; entre as súas liñas de traballo está o poboamento do NW ibérico e a súa relación co resto da península ibérica, nomeadamente cos xacementos da Serra de Atapuerca. É profesor axudante doutor da UNIOVI. En Galicia codirixe as escavacións de Cova Eirós.

As conferencias terán lugar no Centro Cultural Marcos Valcárcel, rúa do Progreso, 30. Ourense