Evento: Lume. Imaxes dunha terra que arde

Afundación, a Obra Social de ABANCA, en colaboración co Colectivo OLLO, presenta o seu proxecto expositivo, «Lume. Imaxes dunha terra que arde». Trátase dunha mostra fotográfica de rúa conformada por un total de 13 paneis con fotografías, realizadas durante os últimos 15 anos en Galicia por profesionais da imaxe, co obxectivo de abordar unha das problemáticas máis preocupantes dos ecosistemas galegos: os incendios forestais. A través das imaxes e da peza audiovisual que conforman «Lume. Imaxes dunha terra que arde» trázase unha narrativa sobre os incendios forestais que apela ao espectador, xerando nel preguntas e respostas, dun xeito sensible pero reflexivo, acerca das causas e das consecuencias desta lacra que cada verán asola Galicia.