Rede galega de teatros e auditorios

Un charlatán chega á vila coa súa lingua afiada, os seus instrumentos afinados e seu posto de venda ateigado de remedios para todos os males.

Armado de retranca e coa sabedoría que dá percorrer todos os camiños, será quen de vender ao público menciñas que non necesitan a prezos que non poden pagar, cun catálogo infinito de solucións inútiles para problemas inexistentes, laretadas baleiras, melodías inventadas, pequenas grandes ilusións e contos de impostor. Porque o noso protagonista sabe sempre o que a xente quere escoitar.

O grande incendio é unha fábula sobre dúas vilas situadas no val xunto a un regato e separadas por unha ponte. Por un lado do regato medran as vides e polo outro pacen bois, vacas, cabalos e ovellas.

De súpeto suceden diferentes acontecementos naturais que afectean só a un deses pobos, mentres que o outro entra un periodo de prosperidade económica . Mesturase o real coa fantasía. Apálpase a desigualdade entre ricos e pobres.

IN-CERTO é un espectáculo de comedia onde Oswaldo Digón mestura o seu estilo decómico de Stand-up coa súa dilatada experiencia como improvisador teatral, contando historias que, en cada espectáculo, van transcorrer de xeito único e irrepetible. Dunha forma diferente facendo que IN-CERTO fala con moito humor e liberdade  da nosa época.

PERDER A LINGUA é unha peza de danza, voz, videocreación e escenografía traballan en simbiose para crear unha posta en escena conceptual que pon en valor as nosas raíces, territorio e singularidades culturais. 

Monólogos, stand up, clown, maxia cómica, animación musical... A nosa gala do humor xunta todo isto e máis en escena grazas a diferentes artistas que deleitarán ó público con gargalladas sen igual durante aproximadamente 80 minutos.

Canto conto! é un emocionante espectáculo que nos mergulla nunha viaxe chea de música, risas e sorpresas. Acompaña a dous recolledores de lixo na súa aventura polo fascinante mundo da reciclaxe e a sustentabilidade.

Nesta historia, os nosos protagonistas exploran xeitos de reciclar, mostran os distintos tipos de contaminación existentes e propoñen solucións ante isto.

O tempo da ficción dramática sitúase no intre do último alento de O Xestal, falecido á idade temperá de 59 anos. Non lusco e sombrío entre a vida a matar.

En 2023 regresaron as TRES VELLAS con un novo repertorio: TRES VELLAS NA ROMARIA. Saimos do mundo do traballo e buscamos nas memorias das devanceiras os dias gloriosos de romarias e festas, os bailes, os milagres, as devocións, os exorcismos as empanadas e os melindres, o viño novo e a caña brava… As TRES VELLAS lian á cabeza os seus mais fermosos panos rameados, para sair a bailar as muiñeiras, xotas e bailes charros nos turreiros das festas.

BLACK comeza a súa andadura no ano 2014 cun formato acústico de guitarra e voz que versiona grandes éxitos da música negra. Ese formato da lugar a que o proxecto se asiente e coñézase en multitude de espazos da provincia. 
A finais do ano 2015, o proxecto BLACK crea un novo formato chamado bigstage formado por nove talentosos músicos da escena galega que levan a os escenarios de toda a comunidade autónoma un potente directo no que versionan a grandes artistas como Aretha Franklin, Otis Redding ou Steve Wonder con gran afluencia de público y relevancia de crítica. 

Ano 2735.  Despois dunha incrible viaxe no tempo, Pelica de Burra, a nosa protagonista, aterra nun futuro sen xogos, sen contos, sen música… nun futuro terrible. Ante isto, decide regresar ao pasado para atopar as palabras perdidas: “Peliquiña Meee, por aquí non é!, por aquí tampouco, entón... por onde?”

Este retrouso levaranos cara a solución dun mundo sen diversión. PELICA DE BURRA é un espectáculo-obradoiro de narración oral e música para primeira infancia da man da narradora e educadora Vero Rilo acompañada do músico Luís Iglesias.