A proposta de Eladio y los Seres Queridos é unha revisitación de grandes éxitos da música tradicional galega levados a unhas texturas mais populares e contemporaneas, incluindo cancións de Batallán, Seoane, Emilio Cao, Miro Casabella, Andrés do Barro...
Todo hits que nos levan a un tempo anterior pero con renovados folgos.
O presente proxecto foi unha evolución da anterior formación, Alfredo García Quartet, que cultivou éxitos nos festivais de jazz galegos e galardóns como o Primeiro Premio no Concurso de Maquetas Jazz Fusión organizado por FNAC. Trala maqueta o proxecto converteuse no álbum Riding into a new path.
Segundo traballo de estudio e terceiro da discografía de Caxade, tendo en conta o DVD/CD gravado en directo coa Banda de Música de A Bandeira. A canción E isto é o amor é unha letra de Séchu Sende que Alonso Caxade musicou.
Un directo poderoso e envolvente que gusta por igual ao público indie e ao folkie e que non deixa a ninguén indiferente. A consolidación dun son e dunha voz que insufla aires pop na música tradicional galega.
Concerto dentro da Rede galega de música ao vivo.
Xoán Curiel interpreta temas propios e músicas doutros poetas galegos, portugueses, casteláns e brasileiros. Un concerto para todos os públicos nun formato íntimo.
Divertida proposta didáctica dirixida a un público familiar no que, como foi no caso do Vaia banda, a complicidade co público será a ferramenta para que o espectador goce dunha maxistral clase de enxeño. Odaiko móstranos aparatos super novos e virtuosas composicións feitas por eles mesmos, e que xunto cunha sorprendente posta en escena e o humor retranqueiro farán deste espectáculo outro éxito asegurado.
Novo espectáculo de Odaiko na compañía de Vanesa Muela, artista admirada na escena musical polo seu labor de posta en valor da música tradicional castelá-leonesa.
A sinerxia musical que acadan os músicos de Odaiko e a intérprete e percusionista castelá demostran que na música, cando o sentimento é conxunto, o resultado é inmellorable.
Nani García volve á primeira liña da escea musical contemporánea recuperando o seu emblemático trío de jazz, un proxecto co que xa nos ano 80 consegueu anovar o panorama jazzístico galego. Con novos músicos e repertorio, pero mantendo a formación de piano, contrabaixo e batería, Nani García Trío vai máis aló dos estándares e da creatividade esporádica propios do jazz convencional para apostar por unha estética integral e contemporánea, que afonde tanto no son das pezas como na execución instrumental.
Dende as raíces musicais galegas agroman os sons aéreos da arpa de Luis Martinez e a voz de Mónica de Nut. Cancións de composición propia e revisión da tradición son o repertorio de este novo duo que ven a aunar ambas traxectorias artístiscas; a de Luís Martínez bebe da tradición e a de Mónica de Nut do eclecticismo.
Un espectáculo axeitado para toda a familia, adaptable ás dimensións de cada espazo e tamén dispoñible en formato acústico ou amplificado segundo a querencia ou as condicións da sala da parte contrante.
Fernando Esclusa (Guru Deva), Fran Castro (ex Strauss, Mr. Dixie Jazz Band) e Fernando Lamas (Lovely Lúa, Mr Dixie Jazz Band) proxectaron as súas obsesións musicais cara á década dos sesenta. Estes mozos e xa veteranos músicos xuntáronse co san obxectivo de reverenciar tan inmenso legado do pop-rock anglosaxón de formacións tan extraordinarias como The Beatles, The Kinks ou Small Faces que se mesturarán de maneira explosiva co variado cocktail de artistas tan estrañados do rock hispano como Os Salvaxes, Os Bravos, Fórmula V ou Os Brincos.
Antoloxía de poemas da lírica galega de todos os tempos, musicados por F. Mosquera e M. Cortizo, desde o Rexurdimento de Curros Enríquez e Rosalía de Castro ata autores actuais como Xosé Luis Méndez Ferrín ou Chus Pato.
Antoloxía poética musicada” na que percorren boa parte da historia literaria galega. A música respira sons da tradición mais tamén do jazz ou da música contemporánea.
Elena Tarrats, Mario Cortizo e Federico Mosquera son Gelria; nome do buque holandés no que Manuel Antonio nos anos 1928 e 1929 realiza tres viaxes a América.
