Rede galega de música ao vivo

Trátase de un concerto en duo, mestura de cancións coñecidas por todos , baseado en cancións coñecidas para todo o mundo.

Cancións propias e versións mesturadas dos 70’ e 80’ facendo un concerto que vai desde cancións melódicas de Silvio Rodriguez, Serrat, Louis Armstrong, etc...a cancións máis animadas de The Beatles, Joe Cocker, Bruce Springsteen...

Uso pedal de voz e armónicas para facer un concerto dinámico, así como un pedal de guitarra para darlle unha mellor sonoridade.

The Lákazans son unha banda que conxuga o blues, o country e o soul. Despegan, desde Santiago de Compostela, co seu primeiro album Homegrown, unha explosión de vertentes procedentes da música americana. Gravado nos estudios Casa de Tolos, por Segundo Grandío, este álbum está composto principalmente por temas de propia composición.

Os seus directos son a súa mellor carta de presentación. A calidade improvisadora dos músicos e a forza e a garra das súas vocalistas non deixan indiferente ao espectador.

Sindicato da Noite ofrece un concerto cheo de enerxía cancións propias , letras suxestivas e grupo poeticas.Aborda cancións de pop e rock para solos de guitarra, teclados e batería, o que fai que o jazz esté moi presente dentro da estética da banda.

Silvia Penide e Carmen Picado presenta o seu LP Todo pintado de plata. Cancións cargadas de matices e expresividade.

Mantén un formato íntimo pero ao mesmo tempo posibilita unha musicalidade máis ampla.

Secho y los invisibles é unha conxunción de rock, de pop, de blues… e de moito sentimento. Son verbas, amor, desencontro, desconcerto, elegancia. Na busca da continua mellora, e despois de varias formacións, secho y los invisibles estabilízase na formación onde sempre se sentiu máis cómodo: o cuarteto. Sergio Castiñeiras: Voz e guitarra acústica Anxo Araujo: Baixo Benjamín Vázquez: Guitarra eléctrica Roi Castaño: Batería e percusión
 

A banda completa Nestor Pardo, desempeña o seu propio repertorio dos pés á cabeza. Formación composta de baixo, piano, batería e guitarra . Un conxunto perfectamente sintonizado que fai que o público desfrute dos seus ritmos.

Con toques de rock, salpicados por rock- a -billy e influenciados polo blues e o country americano, Pardo fai que cada elemento sexa especial, engadindo unha gran personalidade e carisma.

Concerto de jazz que mestura composicións propias con versións de temas de importantes e coñecidos do jazz.

Espectáculo musical dentro da Rede galega de música ao vivo.

Formación:

Yago Mouriño: piano

Pablo Sanmamed: contrabaixo 

Bruno Couceiro: batería

~Músculo! realiza a xira "Músculo 2016" presentando o seu novo LP homónimo cunha xira por salas de toda Galicia.

Este proxecto é unha proposta fundamentalmente jazzística, aínda que aberta á interacción con outras estéticas. O son do grupo está baseado en composicións orixinais, e na procura dun espazo sonoro común no que poidan convivir as propostas musicais dos seus compoñentes. A idea é partir da liberdade individual para conseguir un son conxunto, ou sexa, que cada un achegue as súas ideas e a súa personalidade, poñéndoas ao servizo da causa común, cunha visión extensa do feito musical libre de ataduras e clichés.

Este é o nome do espectáculo de maxia de cerca do mago Teto. Pequenos obxectos que fan posibles grandes milagres: cartas que toman vida nas mans do mago, moedas que danzan entre os dedos, navallas que cambian de cor cunha soa mirada,son algunhas das cousas que poden presenciar nesta hora de maxia en estado puro.