Rede galega de música ao vivo

MARTELO é o Power Rock Trio de Xacobe Martínez Antelo, que xunto a Manuel Cebrián na guitarra e Max Gómez na batería, ven a aportar unha dose enerxética de actualidade á escena estatal do Rock.  Cancións orixinais, combativas, e poderosas con letras corrosivas e mordaces en galego. Os poucos que escoitaron a MARTELO, sinalan a Jimi Hendrix, Rage Against the Machine, Os Resentidos, Urban Dance Squad, Def Con Dos, Red Hot Chili Peppers ou Rollins Band, como principais influencias. Para sair de dúbidas, nada como velos en directo..

Unha posta en escena chea de enerxía, cunha música que busca fundir a potencia coas diferentes sensacións que ofrecen os temas. Mesturanza de diferentes estilos, influenciados pola variada experiencia musical dos compoñentes da banda.

Un par de hostias en vinagre conta a historia de Petra Potemkin e Lola Lee, dúas mulleres desdobladas e unidas polo destino, independentemente da coordenada cósmica na que se encontren. Dúas mulleres que entenden o que é o amor a pesar de ignorar a diferencia entre o certo e o errado.
Un par de hostias en vinagre é un espectáculo cómico, musical e irreverente onde as actrices Sandra Lesta e Paula Sanmartín, combinan o humor acedo co absurdo para reflectir sobre a propia existencia e o fin da humanidade nun universo multiplicado.

Concerto en acústico con cancións de corte intimista e con carga poética que recolle unha amalgama de estilos. Espectáculo aparentemente simple que busca proximidade e participación co público. Música de autor actual sen deixar de lado referencias a autores clásicos do xénero. A conversación co público empeza coa presentación con certa ironía dos temas. Cancións sen trampa ni cartón, directas e sostidas por unha voz con moita presencia e personalidade.

No verán do 2011, Gonzalo Maceira e Roberto Fernández, quen fora antigos compañeiros, planean traballar nun novo proxecto cargado de influencia sureña e melodías pegadizas, nace así, Tractor Troy.

A eles únese Rafa Darrosa como batería e Iñaki Jáuregui como guitarrista, antigos membros do grupo pontevedrés Raíña Mala. Os últimos en chegar serían Andrés Barros, como saxofonista e Kike Calzonetti  como baixista tras a marcha de Pedro Berbel.

O debut do grupo, produciuse o 4 de febreiro do 2012 no Liceo Mutante de Pontevedra.

Concerto de Pop-rock, presentando o novo traballo de Tincho Fernán chamado "Nosotros" e repasando algunhas das cancións do primeiro disco "Por el camino". 

Tincho Fernán, músico uruguaio radicado en Vigo desde o 2007, autoproduce o seu primeiro disco no 2013 coa produción musical de Javier Abreu.

Chapeu é un proxecto musical de Tatán Cunha que arranca fai máis de un ano coa colaboración de Pablo Vidal e Uxía na creación musical e arranxos varios. A proposta conta con letras de Tatán e colaboracións de Uxía e Magín Blanco nas letras das cancións Chapeu e Veludo e algodón, e Carlos Blanco en Mutua de decesos.

Os vigueses, que cumpren 10 anos sobre os escenarios e acaban de editar o seu terceiro disco: Black Cotton Limited (2014)

O cuarteto formado polo compositor Alberto Vilas actúa coa voz da cubana (pianista e cantante) que se estableceu no noso país despois de chegar nun grupo de música tradicional cubana e que se graduou en piano no Conservatorio de Vigo.

O cuarteto son Rosolino Marinello (saxo), Juansy Santomé (contrabaixo), Javier Barral (batería) e Alberto Vilas (piano e compositor)

Arifi é un vento do sur Mediterráneo que viaxa quente e seco, dende Africa e chega ata Europa cargado do auga do mar. Conta a lenda que ten o poder de embriagar aos animais e aos homes.
Coa mesma forza e o mesmo poder nace a música deste grupo formado en Galicia. O proxecto está liderado por Iria Estévez, Vadim, Toni, Gonzo Piña e Marco mendoza, todos eles músicos cunha longa traxectoria e recoñecemento.