Matriarcado. O canto como berro. Zoelas. Música tradicional fusionada con outros estilos. Un dicire propio, que agroma do canto do País para pendurarse en arranxos que miran con outros e cos mesmos ollos. Todo está por escribir nun lenzo que sabe a monte, a Terra. Unha terra que ferve e que, máis tarde que cedo, botará por fora.
Los Árbores é unha banda galega de poprock que se xestou a finais de 2010, integrada por Alexandro González (guitarra, piano e voz), Alberto Barreiro (baixo e coros), Marcelo Pedredo (guitarra), Martín González ( sinte e coros) e Alberto Dopico (batería).
Despois de “Catorce Graos” e “Os días que quedan son os nosos” Alexandro González colaborou noutros proxectos como Sensacional, PARDO, Rapaces ou Espiño dando un respiro á súa banda que, sen darse conta, durou case catro anos.
En Voga é o concerto espectáculo co que o conxunto internacional Áureas se presenta. En escena veremos unha charanga dos anos '20 formada por cinco mulleres de catro nacionalidades diferentes.
Na ficción, un grupo de mulleres emigrantes e libres coñécense nun trasatlántico e deciden formar un grupo musical.
En Voga é un espectáculo que arrecende a mar e abanea co vaivén dunha onda para traernos historias gardades en nostálxicos sobres de correspondencia. Unha coidada selección de pezas dos anos '20 que inclúen ritmos brasileiros, polacos, arxentinos e galegos.
David Lojo Ces, trompetista de Jazz e compositor (Boiro, A Coruña, 1993), afincado na cidade de Rotterdam (Países Baixos) presenta o seu primeiro disco "ROAD TO BALANCE" da man de tres polifacéticos e virtuosos músicos da escena galega: Daniel Díaz (batería), Iago Mouriño (piano/sintetizador) e Pablo Pérez (contrabaixo).
Soul&Roll propón un espectáculo musical acústico innovador que marca a diferenza co seu repertorio do mais completo e variado cuns arranxos músicales-vocais adaptados e traballados minuciosamente, unha voz, coros vocais, guitarras acústicas, baixo, ukelele, percusión menor, bombo e un "Loop Station" que permite tocar todos estes instrumentos e facelos soar á vez creando os bucles musicais máis espectaculares e sorprendentes que, peza a peza, constrúen os grandes éxitos que todo o mundo desexa escoitar en VIVO E RIGOROSO DIRECTO.
Concerto en formato de cuarteto sobre as músicas reinterpretadas do compositor José Castro “Chané” en clave de jazz cubano para presentar o disco que se lanzou este outono nun proxecto especial argallado pola Central Folque para conmemorar o centenario da morte do xenial músico.
Este concerto de Alejandro Vargas Trio coa cantante Rosa Cedrón fai un repaso dos 12 temas do disco de “Chané na Habana”, gravado a finais de xullo no Auditorio de Galicia para sexteto de jazz e camerata clásica.
En Voga é o concerto espectáculo co que se presenta o conxunto internacional Áureas. En escena veremos unha charanga dos anos 20 formada por cinco mulleres de catro nacionalidades diferentes. Na ficción, un grupo de mulleres emigrantes e libres coñécense nun trasatlántico e deciden formar un grupo musical.
En Voga é un espectáculo que arrecende a mar e abanea co vaivén dunha onda para traernos historias gardades en nostálxicos sobres de correspondencia.
b.p.m é un grupo formado por 4 vocalistas e un beat boxer que fan música 100% acapella.
Este espectaculo pasa por diferentes estilos, predominando o Funk, Soul, R&B, Gospel e o Pop , todo cun denominador común que nos leva a unha revisión moderna da música sen instrumentos americanos.
Harmonías vocais, beat box e moita enerxía nun espectáculo que non che deixará indiferente.
Dakidarría é unha das bandas referentes do rock galego actual.
O formato acústico ofrece outra perspectiva máis próxima das cancións, dende un punto de vista máis íntimo e familiar. Pode cambiar a base musical pero a rebeldía, a esperanza, a alegría, o amor e o combate continúan presentesen nas súas letras.
ARRIEIROS SOMOS é o segundo traballo discográfico do Cuarteto Caramuxo, formación afincada en Vigo (Pontevedra), premio "Martin Códax” da Música de Galicia como mellor grupo de música folk na última edición celebrada o pasado mes de decembro de 2014.
