Rede galega de música ao vivo

Co meu  Blind  Wrestler  Quartet amplío o meu trío base, formado por Alfonso Calvo ao contrabaixo e LAREIRA  Legido á batería, co fantástico saxo tenor Xosé  Miguélez, e ademais incorporo temas vocais. Todo isto para presentar o meu novo CD " The  Blind  Wrestler" ( TinyMoon Records, 2017), que  viu a luz o 20 de decembro do 2017. "Caamaño é un músico versátil, cunha forma de tocar chea de cor e swing...un músico doutra época, un  Pat  Martino actual que lembra a Tal  Farlow nalgúns momentos." Félix Amador Gálvez (Jazz Ese Ruído, 2015).

Presentación do disco Xanelas

Músicos: Iria Estévez (Voz), Gonzo Piña (Guitarra), Paco Dicenta (Contrabaixo), Isaac Garabatos ( Bouzouki, Viola e Caipira)

Transilvanians fórmanse na cidade de Vigo no ano 2004. Septeto integrado por músicos de diversas procedencias cunha paixón común pola música negra dos 60's, o western, a ciencia ficción ou o xénero de terror. Percorren co seu funk marciano, refrescante rocksteady, groovy soul, horror-reggae, dub ou r&b xamaicano case toda a xeografía estatal e outros países europeos como Bélxica, Francia, Alemaña, Holanda ou Portugal, cun dos directos incendiarios de máis alto octanaxe que podes atopar actualmente no estado.

A Galiza non é terra de flamenco, pero tampouco é lugar onde abunden os vibrafonistas de jazz. Quizáis é por iso que estes dous músicos infrecuentes se buscasen para vivir un affair musical no que cordas e láminas conforman unha mini orquestra dirixida por uñas e baquetas. Dous instrumentos de forte carácter percusivo e timbres diferentes que se atopan nun novo entendimento.

Handle with Swing  é un trío de swing- jazz feito a man nado no 2018 en Santiago de Compostela.

HWS ofrece degustar musicalmente un menú de moito swing con guarnición crooner, maridado con viños bluseiros e doces de bo rollo. Todo cociñado con músicas a medio tempo e luz a medio gas. Esperamos que goces tanto coa nosa música como o facemos nós sobre o escenario.

HWS somos:

Manuel Gómez........piano

Tomás Porteiro........guitarra

Xabier Mera.............voz

Greenwater é un grupo tributo a Creedence Clearwater Revival que repasa os grandes temas da banda californiana. Non é tarefa fácil recrear a voz e o rexistro de Jonh Fogerty, pero Greenwater conségueo nos seus directos.

Son cru e moita enerxía vocal e instrumental son as claves do show.

Se a música é unha arma, elas son o gatillo! Rita Sedas, Synthetique, Katari e Ana Moreira son 4 voces disidentes a difundir inquietude. Xuntas forman a banda ANARCHICKS Lisboa que reproduce un son influenciado polo punk rock.
Anarchicks preséntanos o seu terceiro disco Loose Ends que é unha evolución creativa e musical na que borran cada vez máis os límites que separan o rock do punk e electro .

THE HENDERSONS é unha banda que reflicte fielmente o son,as harmonías vocais e a enerxía de THE BEATLES, interpretando temas de todas as etapas da banda de Liverpool, con ese encanto e esa actitude "marca da casa" encima do escenario. Cada show fai un percorrido pola etapa de Hamburgo,a Beatelmanía " yeyé",a psicodelia,a época Hippie, ata o Rock mais cru da última época, con mais de 30 cancións universais e atemporales que atraparán os corazóns de públicos de todas as xeracións: desde os netos aos avós. A todo isto hai que engadirlle a imaxe visual e posta en escena da banda.

Stormy Trucks é a aposta pola volta ao rock'n'roll de raíz, dinámico e directo, con alta dose de diversión, con calidade e son impecables, tocado por tres músicos experimentados e de longa traxectoria, namorados da música ben feita.

CANDORKA TRÍO constitúe un proxecto que toma como eixo definitorio a música de raíz e a vontade de expresala desde a experimentación e o inconformismo.