Andoa é unha banda de música folk atlántica, como son a irlandesa, escocesa, galega...
Os compoñentes de ANDO,; Ricardo Mouriño (low whistle, frauta travesera e gaita galega), Iago Boente (bouzouki) e Roi Adrio (percusións) teñen unha ampla traxectoria no mundo da música tradicional así como noutros xéneros musicais que van desde o reggae, jazz, etc.
Se a música é unha arma, elas son o gatillo! Rita Sedas, Synthetique, Katari e Ana Moreira son 4 voces disidentes a difundir inquietude. Xuntas forman a banda ANARCHICKS Lisboa que reproduce un son influenciado polo punk rock.
Anarchicks preséntanos o seu terceiro disco Loose Ends que é unha evolución creativa e musical na que borran cada vez máis os límites que separan o rock do punk e electro .
Handle with Swing é un trío de swing- jazz feito a man nado no 2018 en Santiago de Compostela.
HWS ofrece degustar musicalmente un menú de moito swing con guarnición crooner, maridado con viños bluseiros e doces de bo rollo. Todo cociñado con músicas a medio tempo e luz a medio gas. Esperamos que goces tanto coa nosa música como o facemos nós sobre o escenario.
HWS somos:
Manuel Gómez........piano
Tomás Porteiro........guitarra
Xabier Mera.............voz
Tras o seu paso polo Luar, Aldaolado reflexionan sobre as virtudes e baixezas da fama. E que mellor lugar para facelo que sobre os escenarios e con este novo espectáculo onde as poetas se reinventan a si mesmas, airean as súas vergoñas antes de que o fagan nas revistas de papel cuché e comparten cos asistentes os poemas que as sacarán de pobres e aqueles que merecen os máis escuros agochos.
O trio utiliza os ritmos flamencos e a liberdade do jazz para adaptar e reubicar clásicos nunha paisaxe nova e suxerente... Non é flamenco, tampouco é jazz; é as duas cousas e non é ningunha delas...
TRANSLATIONS TRIO aposta pola escolla escrupulosa do repertorio para que se adapten á premisa dos paus flamencos, así como nos arranxos que coidan e personalizan ca idea de recrear as composicións facendo viaxar ao público a través de unha nova e suxerente paisaxe sonora.
Músicos: Alfonso Calvo (contrabaixo), Moisés Fernández (caixón) e Marcos Teira (guitarra flamenca)
Un Novo Espertar é o primeiro traballo de estudio da banda CUARTA XUSTA, banda afincada entre A Golada (Pontevedra) e Melide (A Coruña). Este carácter de raianos dentro da propia Galiza nótase na sua música cunha proposta que raia o rock co ska e co folk.
O realmente importante do proxecto é a ilusión ca que traballamos dende o comezo; todo ese esforzo estivo encamiñado a crear un son própio de horizontes descoñecidos para nós. A idea inicial era a de fusionar diferentes estilos musicais dándolle moita importancia á mensaxe que queríamos transmitir. Queríamos facer unha música orgánica tocada por nós fuxindo de arranxos electrónicos. Os nosos temas teñen un pouco de funk, un pouco de reggae e un pouco de rap, polo tanto lle chamamos funki-reggae-rap.
Silvia Penide presenta en formato cuarteto o seu séptimo traballo discográfico "El Efecto Boomerang".
Silvia Penide: Voz e guitarra
Carla Lópe: Teclados
Paul Álvarez: Guitarra Solista
Bruno Couceiro: Batería
Sandwina é un disco de intencións, capitaneado pola muller máis forte do mundo. Nel, preténdese debuxar arredor da figura de Kate Brumbwach, unha vienesa do século XIX adicada ao mundo do circo, a importancia do empoderamento real da muller. É a muller a que compón todas as letras de Sandwina e a que leva o fío narrativo do disco, confrontando sentimentos de dor e adversidade con afouteza e poder.
Sexteto do que forman parte Sabela King, Ramón Figueira “Figui”e Benjamín Vázquez. Estilísticamente móvense entre o blues, o country e o soul dos 50's 60's, adaptando versións dos clásicos destes xéneros e temas actuais.
