Día das letras galegas

Neste mes teremos o roteiro especial polo día das Letras Galegas "Cancioneiro popular galego". A través del exploraremos a rica tradición musical galega, achegándonos ás cancións que definiron o espíritu do pobo galego e que seguen a influir na nosa identidade cultural. 

Descubriremos o legado sonoro que se mantén vivo, conectando con espazos e xiros históricos coas melodías que falaron ao corazón de Galicia ao longo dos séculos. 

A saída será dende a biblioteca ás 11.30 h.

Inscricións dende o venres anterior nos números de teléfono: 988 788385 / 386

No vestíbulo da biblioteca contaremos cunha recopilación das fotografías premiadas durante os 20 anos de historia do Certame de fotografía da Romaría etnográfica "Raigame" que se celebra todos os anos o 17 de maio en Vilanova dos Infantes.

POderase visitar no vestíbulo da biblioteca en acceso libre no horario habitual de apertura.

O Día das Letras Galegas 2025 está dedicado á poesía popular de tradición oral. A última xeración de cantareiras de Galicia á que chegou a cultura tradicional son as figuras imprescindibles que contribuíron á conservación dos versos do pobo.

Os materiais fotográficos incluídos nestes traballos publícanse por cortesía do Arquivo do Patrimonio Oral da Identidade (Instituto de Estudos das Identidades do Museo do Pobo Galego) no que se alberga o fondo Schubarth-Santamarina ao que pertencen as fotografías.

Desde a Biblioteca Ánxel Casal queremos presentar un percorrido que vai desde a trasmisión oral da literatura popular ata o verso cantado para unírmonos á celebración do Día das Letras Galegas 2025 dedicado ás cantareiras Adolfina e Rosa Casás, Eva Castiñeira e Manuela Lema, representación colectiva de todas aquelas mulleres que foron custodias e divulgadoras deste tesouro cultural.

Carmen, a cantareira de aldea é un contacontos que te adentra nunha fermosa aventura cunha nena dunha aldea galega que soña con viaxar polo mundo coa súa pandeireta máxica. A través da música tradicional, Carmen descubrirá novas amizades, vivirá momentos máxicos e aprenderá importantes valores como o respecto e o amor pola súa cultura.
Nesta actividade interactiva, as crianzas gozarán dunha historia chea de música, xogos e participación, mentres se mergullan nas raíces da tradición galega. Non faltarán cantigas, ritmos e moita diversión!

Roteiro que repasa a historia e as persoas homenaxeadas no Día das Letras Galegas desde o seu primeiro ano (1963) ata hoxe. Prestaremos especial atención ás persoas e obras relacionadas con Santiago.

Para persoas de 14 a 99 anos. Máximo 30 participantes. As persoas interesadas poden retirar o convite no mostrador de Información da biblioteca dende 30 minutos antes do comezo da actividade.

A biblioteca acolle dúas sesións do Gran Xogo sobre as Letras Galegas da man de Eduvía. Este xogo, ademais de divertido, serve para que as pequenas e pequenos participantes aprendan algúns datos importantes sobre a poesía popular oral, personificada nas cantareiras, homenaxeadas no Día das Letras Galegas 2025 e sobre outras curiosidades relacionadas con esta data.

Actividade dirixida ao alumnado dun centro educativo de Santiago de Compostela. Acceso restrinxido.

Neste obradoiro achegarémonos ás cantareiras, aquelas mulleres que facían música para bailar neses momentos de ocio que tiñan: as foliadas, seráns, ruadas... Coñeceremos os ritmos que empregaban, as percusións das que botaban man, ademais da súa inseparable pandeireta e as letras por elas inventadas.

-Exposición bibliográfica e paneis explicativos do 5 ao 31 de maio: “A música tradicional galega”.

Resumo e exposición de obras sobre a música tradicional galega para entender a importancia das cantareiras, homenaxeadas das Letras deste ano, dentro da nosa cultura

Sala Infantil. Público familiar.

-Exposición bibliográfica e paneis explicativos do 5 ao 31 de maio: “Galicia e a tradición oral”.

Francisco Castro repasará o mellor da poesía galega musicada dende os anos sesenta ata os nosos días. Entre outros, escoitaremos poemas de Álvaro Cunqueiro, Manuel Curros Enríquez, Rosalía de Castro, Manuel María, Castelao, Uxío Novoneyra..., así como poesía cantada de corte popular.