Cedemos o noso espazo para acoller Voces para Morgana, unha lectura pública da obra de Begoña Caamaño. Esta iniciativa, proposta polo Festival Atlántica, conmemora o ano das Letras Galegas dedicado á autora.
Amigas e amigos de ASPANAES, poetas, lectoras, persoas do mundo da cultura e público en xeral lerán ou narrarán textos da súa obra. A súa palabra, feminista, lúcida, combativa e fondamente humana, seguirá viva nas nosas mans e nas nosas voces.
Con motivo do Día das Letras Galegas, dedicado por terceiro ano consecutivo a unha muller, achegámonos á figura de Begoña Caamaño, autora comprometida coa defensa do papel da muller na sociedade e coa necesidade dunha mirada feminista sobre os relatos tradicionais.
O espectáculo “Eu tampouco navegar” revisita mitos clásicos, a mitoloxía grega e o ciclo artúrico desde unha perspectiva actual, crítica e chea de humor. A través da narración e da reflexión, propón pensar sobre a liberdade das mulleres para decidir e actuar por si mesmas.
No primeiro andar da biblioteca para celebrar as nosas letras e a autora homenaxeada este ano Begoña Caamaño.
Begoña Caamaño, xornalista, narradora e loitadora en diversas frontes é a elixida este ano para protagonizar o Día das Letras Galegas. Destemida activista que participou de varios movementos e reivindicacións sociais e dona dun xornalismo comprometido e valente, deixou coa súa prematura morte un oco importante na vida cultural e política galega.
Desde a Biblioteca Ánxel Casal queremos rendirlle unha homenaxe á Begoña representativa de tantas loitas encarnadas na súa participación no sindicalismo e na defensa duns medios públicos para a cidadanía.
Obradoiro para pechar o mes das letras galegas con Sabela Gago.
Actividade para nenas e nenos de 7 anos en diante.
Para asistir a ela é necesaria a inscrición previa que pode facerse dende o venres 22 de maio ben presencialmente ou chamando aos números de teléfono : 988 788 385 / 386
Mitos, lendas e cantigas é un espectáculo de narración oral e música en directo inspirado na obra de Begoña Caamaño, que revisita a mitoloxía clásica desde unha perspectiva feminina.
A través de romances, cantigas e palabra contada, recupera figuras como Circe, Penélope ou Morgana, poñendo en valor o papel das mulleres no mito e na tradición oral.
Unha proposta para público familiar que combina, patrimonio, creación contemporánea e igualdade.
Duración: 45 minutos
Público familiar ( a partir de 4 anos)
Contaconto ilustrado sobre Begoña Caamaño, autora á que se lle dedica o Día das Letras Galegas 2026.
A cargo de Polo Correo do Vento.
Público familiar a partir de 3 anos
Salón de actos. Entrada libre ata completar a capacidade da sala
Begoña Caamaño chegou a Compostela para traballar e vivir e a súa pegada quedou en moitos espazos que ela percorreu e habitou. Despois do seu pasamento, a cidade recoñeceu o seu traballo, a súa loita, o seu tempo de lecer. Compostela está xa iluminada polo ronsel que Begoña deixou nela. Por iso cumpre mirala co seu ollar.
Dirixido a 35 persoas de 16 a 99 anos. As persoas interesadas poden retirar o convite no mostrador de Información da biblioteca dende 30 minutos antes do comezo da actividade.
A biblioteca acolle dúas sesións do Gran Xogo sobre as Letras Galegas da man de Eduvía. Este xogo, ademais de divertido, serve para que as pequenas e pequenos participantes aprendan algúns datos importantes sobre Begoña Caamano, homenaxeada no Día das Letras Galegas 2026 e sobre outras curiosidades relacionadas con esta data.
Na sala infantil. Actividade dirixida ao alumnado dun centro educativo de Santiago de Compostela. Acceso restrinxido.
Mitos, lendas e cantigas é un espectáculo de narración oral e música en directo inspirado na obra de Begoña Caamaño, que revisita a mitoloxía clásica desde unha perspectiva feminina.
A través de romances, cantigas e palabra contada, recupera figuras como Circe, Penélope ou Morgana, poñendo en valor o papel das mulleres no mito e na tradición oral.
Unha proposta para público familiar que combina, patrimonio, creación contemporánea e igualdade.
Duración: 45 minutos
Público familiar a partir de 4 anos
Salón de actos
