Día das letras galegas

A biblioteca acolle dúas sesións do Gran Xogo sobre as Letras Galegas da man de Eduvía. Este xogo, ademais de divertido, serve para que as pequenas e pequenos participantes aprendan algúns datos importantes sobre a poesía popular oral, personificada nas cantareiras, homenaxeadas no Día das Letras Galegas 2025 e sobre outras curiosidades relacionadas con esta data.

Actividade dirixida ao alumnado dun centro educativo de Santiago de Compostela. Acceso restrinxido.

Neste obradoiro achegarémonos ás cantareiras, aquelas mulleres que facían música para bailar neses momentos de ocio que tiñan: as foliadas, seráns, ruadas... Coñeceremos os ritmos que empregaban, as percusións das que botaban man, ademais da súa inseparable pandeireta e as letras por elas inventadas.

Francisco Castro repasará o mellor da poesía galega musicada dende os anos sesenta ata os nosos días. Entre outros, escoitaremos poemas de Álvaro Cunqueiro, Manuel Curros Enríquez, Rosalía de Castro, Manuel María, Castelao, Uxío Novoneyra..., así como poesía cantada de corte popular.

Concerto de música tradicional arredor das pandeireteiras e a literatura oral. Un espectáculo que nos achegará de xeito lúdico e participativo ao noso patrimonio inmaterial. Un percorrido musical por toda Galicia, amosando os diferentes xéneros e instrumentacións. 

Argallo é un grupo de pandeireteiras composto neste momento por 11 mulleres de idades moi variadas, profesións de todo tipo e vidas moi diferentes. Desde o ano 1997 pasaron moitas persoas por este grupo pero todas tiñan o mesmo espírito: gozar cantando e tocando, e contaxiar esa enerxía e sentimento a quen as escoita.

Severino Fernández Abel preséntanos o seu libro Tradición oral recuperada das tebras. Son contos... ou Historia?

Os contos e historias arredor da lareira marcaron a infancia do autor e a súa forma de entender o pasado da sociedade que nos rodea. Isto, unido á formación académica e profesional, serán os motivos polos que a partir desa tradición oral, co paso dos anos, se enganchará á querenza pola súa investigación histórica.

Un percorrido pola creación musical e literaria das cancións.

Magín Blanco convida ás crianzas a achegarse ao proceso creativo e a xogar cos elementos que compoñen as cancións. As melodías, as harmonías e a musicalidade poética das rimas. 

Duración: 50 minutos

Lugar: Salón de Actos

Público familiar a partir de 3 anos

Entrada libre ata completar a capacidade da sala

Actividade baseada na publicación Cantareiras, a poesía popular nas Letras Galegas, da editora Lela Edicións.

Propoñemos contar de xeito adaptado as biografías das cantareiras homenaxeadas no Día das Letras Galegas, facer un gran mural relacionado e cantar as pezas das propias homenaxeadas. Para rematar cada asistente debuxará unha caricatura dunha pandereteira. 

Público familiar a partir de 3 anos

Os e as participantes deberán traer un folio e unha cera de cor para pintar

Lugar: Salón de actos

Montaxe de teatro de papel pop up e marionetas, tamén de papel, na que se conta a historia dun extraterrestre moi peculiar, que viaxa por varios planetas e coñece moitos outros alieníxenas moi diferentes, pero cos que descubrirá que ten algo en común. 

"Extra terrestre" é unha historia con mensaxes e ensinanzas sobre a amizade, a tolerancia, o respecto, a igualdade e a xenerosidade. 

Salón de actos

Publico familiar a partir de 4 anos

Duración: 45 minutos

Entrada libre ata completar a capacidade da sala

Catuxa é unha nena que pasa moito tempo coa súa avoa Adolfina, á que lle gusta moito cantar, canta todo o tempo, en calquera momento e fai percusión co que teña á man. Catuxa goza moito escoitando a súa avoa, parécelle moi ocorrente pero non se atreve a cantar canda ela. 

PRAZAS ESGOTADAS. FORMULARIO PECHADO.

Contos e cantos para xogar ás agachadas con imaxes e palabras, para xogar ao "veo, veo" e ás adiviñas, para descubrir o mundo, xuntos, cunha ollada curiosa e ollos sorrindo.

Publico infantil de 0 a 3 anos con persoa adulta acompañante

Lugar: Bebeteca

Duración: 30 minutos

15 prazas