Cultura no Camiño

Élenco: Iseo Agilda

Se as árbores falaran...

Un incendio arrasa con todo o verde no monte! Con todo? Non! por sorte a fraga onde vive Flora, unha nena de nove anos e medio, resistiu. E ela vai averiguar por que a fraga conseguíu sobrevivir ao lume e o resto do monte non. As árbores serán quen llo expliquen coas súas cancións e tamén as que lle ensinen de que xeito pode axudar a recuperarse a terra queimada. Unha lección que nin ela nin o resto da xente da vila esquecerá nunca, pois descubrirán a ledicia e a responsabilidade que supón Ser Terra.

Nestes tempos onde revisitamos as nosas prioridades, a música emerxe como esa compañeira necesaria que pon banda sonora as nosas biografías. Nela escollemos as coordenadas que constrúen memoria, sentimentos, sensacións, fuxidas, soños e tamén as outras vidas que decidimos non vivir. A soidade mírase elegante nos seus acordes, sinalando un antídoto en cada abstinencia. Para que todo isto pase, alguén ten que rexistrar o son e, nese facer, achegar honestidade, paixón e unha voz propia. 

PillaBands nace de reproducción de “Animais de Rúa” e “Choran as Pedras” coa  única e fantástica función de alegrar as vosas vidas.

"Pavillón Lino" é a nova proposta escénica de Caramuxo teatro para toda a familia. Un espectáculo que nace para homenaxear o desaparecido  Pavillón Lino da Coruña, espazo cultural de estética modernista adicado a todo tipo de actividades artísticas, teatro, cine, baile, monicreques, cómicos, autómatas...

A química e a interpretación mestúranse nos monólogos que ofrece a actriz Carmen Méndez

Música tradicional composta por dúas gaitas, tambor e bombo para engadir á programación de Cultura do camiño a música tradicional.

O Fakir Flakin é un curioso personaxe que un dia decidiou sair polo mundo adiante en busca de sabiduria e coñecimento. Viaxou por moitos paises e aprendeu de grandes mestres en terras orientais. Agora chega a Galicia, seguindo o camiño en busca da enerxia e embruxo desta máxica terra.

Polo camiño o fakir aprendeu diferentes técnicas ancestrais que lle permiten facer levitar obxectos e incribles equilibrios. Para dar feitos os seus trucos, ás veces o fakir necesitará que o publico lle bote a súa mellor enerxia e vibracións.

O Camiño de Santiago é a historia de Santiago e Mariña, dous irmáns que non xogan xuntos, pero que aprenderán a facelo.

Como cada noite, Santiago emprende o seu camiño acompañado de Branco, o seu cabalo inseparable. O que non espera é que hoxe se atopará no seu soño con Mariña e a súa gatiña Lupe. Vivirán aventuras e cantarán cancións para chegar ao Castelo Máxico (A Catedral de Santiago) para atopar o tesouro escondido.

Novos lobos é un espectáculo de narración oral e monicreques no que se toca o tema do xénero desde a perspectiva das novas masculinidades.

Deconstrúense nel algúns contos da literatura popular para adaptalos a esta nova ollada, nunha tentativa de ofrecer ferramentas conceptuais ao alumnado que axuden a prever a violencia de xénero.

O espazo no que sucede a acción é un pequeno refuxio da montaña no que un pastor está coidando das súas ovellas (o público).

Elenco artístico: Inacio Vilariño

MULLERES DE SAL, MULLERES DE TERRA é unha sesión de cantos que promove a igualdade e a pre­vención de violencia de xénero. 

Unha travesía guiada pelas mulleres que atesoura­ron a memoria dos cantos, da palabra a viva voz. Ao longo da Historia foron moitas as mulleres encarga­das de conservar este legado. Elas foron tamén trans­misoras deste universo, como redeiras á beira do mar, tecendo con fíos e nós o imaxinario. Cantos que tamén saen da terra e que se debullan coma o millo para transmitir as alegrías, os temores e os soños dos pobos.