Cultura no Camiño

Coanhadeira regresa cun novo disco: entraron no estudio de gravación onde gardaron nunha caixiña todas as pequenas e grandes ideas xurdidas ao longo dos últimos cinco anos. Bicos con luvas pretende sumarse en positivo á música feita en Galiza, sen prexuízos e facer bailable calquera lugar; ateigar do poder da percusión, de letras sorprendentes, de atmosferas sutís, de adornos do país e de anacos dos mundos de cada un dos compoñentes da formación e do camiño conxunto ata hoxe de Coanhadeira.

Iria Estévez, unha das cantantes máis valoradas da xeografía galega, presenta o seu traballo en solitario. Tras unha exitosa andadura dirixindo proxectos como Clave de FAdo (seleccionada polo INTERFADO de Cataluña) ou Arifi (gañadores do concurso internacional Castilla Folk) e colaborando con moitos outros, Iria Estévez mostra agora o seu lado máis íntimo con este novo proxecto: Atlántica.

Quimera é un espectáculo inspirado nunha visión máxica da natureza, onde os soños e a mitoloxía se entrelazan.

Calquera ilusión, produto da psique, por improbable que pareza pódese tornar realidade.

Mediante unha linguaxe visual e acrobática esta viaxe fantástica estimula a imaxinación do público ata o final.

Elenco artístico: Tatiana Fontenla García / Iván Couso Campos / Fàtima Carbia Lorenzo / David Burgos Ruibal / Carolina Ramil Sanders /  Felipe Catalán Arufe e Alejandra Balboa Rodriguez

Baila un vestido verde é un espectáculo interactivo de danza que xoga e convida a xogar ao espectador.

O corpo, a danza e o xesto son os códigos que se manexan para establecer un diálogo constante co público.

“O vestido verde” é o punto de encontro inicial que activa a interacción entre os presentes.

Baila un vestido verde é un espectáculo de danza simpática.

En Animacreques, a partir da técnica circense dos zancos e o virtuosismo da danza, xorde esta proposta de animación e intervención na rúa.

Ánxela Blanco e Vanessa Rivas (Catropés) propoñen un xogo visual que permitirá ao público participar e gozar desta peculiar relación entre monicreque e titiriteira.

Segundo traballo de estudio e terceiro da discografía de Caxade, tendo en conta o DVD/CD gravado en directo coa Banda de Música de A Bandeira. A canción E isto é o amor ten letra de Séchu Sende, que Alonso Caxade musicou.

Un directo poderoso e envolvente que gusta por igual ao público indie e ao folkie e que non deixa a ninguén indiferente. A consolidación dun son e dunha voz que insufla aires pop

Formación de orixe cubano na que destaca o rigor e bo facer destes extraordinarios músicos que descargan sobre o Son Montuno, Guaracha, Danzón, Cha Cha Cha, Mambo, Guajira e a pura salsa.

Pedro Fidel Gómez é o director musical, graduado na Escola Nacional de Arte de La Habana, Cuba. Dende 1975 impartiu clases na especialidade de guitarra, e dende 1982 acompaña e comparte escenario coas grandes figuras do seu país natal, como Omara Portundo, Elena Burke, Moraima Secada...etc.

Concerto de música tradicional onde este grupo repasa os éxitos de todos os discos publicados ata agora.

Que pasa con todos eses zapatos que xa ninguén usa? Todos os dias chegan a un recuncho dun agochado xardín fantásticas historias, as vivencias que traen consigo unha morea de zapatos de todos os tamaños e cores. Unha rapaza é a encargada de coidalos, de lles dar a benvida ao lugar onde vivirán para sempre, un lugar onde compartir emocións coas belas bailarinas, con Pechecho e os seus irmáns, cos namorados, co Sol e a Nube, e con centos de compañeiros que teñen moito que contarnos. Zapatos narra todas as historias que levan dentro os zapatos que xa non teñen dono.

Este proxecto está centrado na revisión, a través de arranxos orixinais, de cancións que forman parte da cultura popular e que son fortes influencias para os compoñentes de Boreas. En In my Life atopamos obras maestras de The Beatles tratadas desde o prisma duns músicos habitualmente inmersos no terreo do jazz e a improvisación.
 
Boreas está formado por:
 
Álvaro Vieito_guitarra eléctrica e acústica
Xan Campos_piano
Luis Salto_contrabaixo
Jesús Pazos_batería