A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Unha creación máxica, surrealista e a pé de rúa.
Xornais que cobrar vida, cordas sorprendentes, froitas, cartas e moito máis, xeran a trama dun acto cheo de gags visuais, diálogos apegados ó sorriso e prestidixitacións sorprendentes.
"Maxia a Pé de Rúa" é un espectáculo de ilusionismo, humor e participación dos espectadores, composto a nivel do chan.
Un espectáculo máxico, literario e vital, cargado de ilusións que navegan na poesía, narrativa,
teatro e ensaio, coas sorpresas da vida e obra de Manuel María.
Xosé Constenla presenta o seu cuarto traballo discográfico, titulado Virada por Avante, cun concerto especial no que o autor ofrecerá as súas cancións unicamente acompañado polas súas guitarras e as súas historias contadas dun xeito íntimo na súa voz.
En Virada por Avante atopamos claras influencias do folk-rock americano, de James Taylor a Ray Lamontage, xunto coa corrente iberoamericana de canción de autor, como sinal de identidade deste músico compostelano.
A Xoana, non lle gustaba moito ler, seu pai e súa nai poñen todo o empeño para que vaia collendo gusto aos libros e aumente o interese pola lectura.
Unha tarde chegou ao pobo unha fada dos contos, Anduriña, que se adica a percorrer todo o mundo co gallo de fomentar a lectura e a educación en valores. Esa tarde Xoana, por vontade de seu pai e súa nai, tivo que asistir á actividade. Ao principio foi con poucas ganas, pero grazas á fada comezará a espertar o seu interese polos contos.
Presentación do La canción del bolsillo roto de Marcos Mella. O concerto dentro da programación de Cultura no Camiño é en formato acústico.
Confirmar datas e horas da actuación nos concellos onde se realizan os concertos.
Despois de ler o poema do “Timoteo” do libro “Rimas con letras”, Gloria emocionada e ilusionada toma una decisión, encher o mundo de notas musicais de cores vivas con cheiro a campo verde, de sons máxicos que darán vida a historias máxicas, como a da cabritiña que se convertirá en Mamá, a nosa Mamá Cabra.
Gloria acompañada de moitos artistas apaixoados medran ao carón dos máis cativos e cativas, con cancións que ao longo de estes anos quedaron nas nosas memorias . Esta aventura cumple este ano o 15 aniversario.
Autor: José Luís Prieto
Dirección: Marcos Orsi
Elenco: Jouse García e Xoque Carbajal
Espectáculo de Jose Luis Prieto producido por Malasombra producións S.L dentro da programación Cultura no Camiño.
Logo da chegada do home á lúa á humanidade só lle faltaba un reto: a chegada do home a Galicia. No ano 2010 (ano 25 despois de Gayoso), dous intrépidos exploradores tiveron o valor de adentrarse nas descoñecidas terras galaicas a través da ruta xacobea.
Xoán Curiel e Sergio Tannus presentan esta proposta a dúo con cancións do vindeiro proxecto de Xoán Curiel, Estou lá.
Dúas voces e por outra banda: guitarras españolas, unha guitarra eléctrica, viola caipira ou cavaquinho, son os instrumentos desta proposta acústica.
Autores: Jordi Sánchez e Pep Antón Gómez
Dirección: Marcos Orsi e Xoque Carbajal
Elenco: Jouse García, Xoque Carbajal, Patricia Rodríguez.
O día 17 de maio do 1991, realizaba a miña primeira actuación pública.
25 anos despois desa data que para ben ou para mal marcou a miña vida sacamos da manga unha montaxe coas ilusións que maior impacto causaron no público dos distintos espectáculos producidos desde entón ata día de hoxe:
" A maxia dos soños", " Perto de ti", " Tolemaxias", " A maxia da Santa Compaña" , " O Afiador","Novas Tolemaxias","Os anos 80" e " A feira máxica".
