A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Elenco artístico: Isabel Risco e Fran Rei
Culturactiva presenta a Isabel Risco e Fran Rei en Retrincos de Castelao, un achegamento ao humor na obra do inmortal autor galego a través dun texto de Diego Rey.
Retrincos de Castelao ofrécenos o mosaico dunha realidade galega atemporal, que nos antecede e nos outorga raíces.
O xoven e talentoso músico galego Roi Casal (arpista, compositor, cantante e director) foi
premiado en 2014 na Habana co premio internacional Cubadisco. Alí ofreceu un memorable
concerto no Palacio Nacional de Bellas Artes. Vencellouse ó mundo galego-cubano, e tomou
contacto con institucións culturais e con personalidades da cultura. Camiñou, conversou, observou
e quedou namorado da capital habaneira e do xeito de ser daquel pobo, alegre, cordial, solidario.
Mantivo contactos moi frutíferos con músicos cubanos e en Cuba presenta un concerto coa estrea
O elenco de compañías e artistas que forma parte do Pistactiva é o mais destacado do Novo Circo Galego: como é o caso de Circo Expreso, Os Sete Magníficos máis Un, Roi Sixto, Trasno, Fredi ou Peter Punk, entre outros.
O espectáculo PISTACTIVA está formado por un espectáculo dobre para todos os públicos, de 90 minutos de duración, que engloba un pase de clown - malabares e outro de novo circo (acrobacias e/ou aéreos) a cargo de dúas das compañías que figuran no elenco.
Ruactiva é un novidoso e aberto formato de Gala de Circo e Humor donde están presentes as mellores compañías do momento.
A Gala de Circo consta de varios elementos:
- Banda de Música ao Vivo.
- Compañía de Acrobacias aéreas: trapecio, corda, telas ...
- Compañía de clown ou maxia.
- Compañía de teatro de rúa e humor.
- Presentador/a
En resumo, hora e media de circo, maxia, malabares, música e moito humor cunha escolma das mellores compañías do teatro e circo galegos.
Autor, director e elenco: Antón Rodríguez
Despois de doce anos nos que mantivo unha actividade intensa de produción de eventos e espectáculos máxicos, facendo só puntuais intervencións nos escenarios, o Mago Antón volve á primeira liña da escena para presentar, en tres formatos diferentes e pensados para distintos espazos de intervención, o seu novo espectáculo Onde está o Mago Antón?.
Este proxecto céntrase na investigación do teatro rural amateur e infantil, así coma na creación dende o 2014 de espectáculos para tódolos públicos.
Juan Manuel Frade e Beatriz Rodríguez, xunto con Cristina Collazo formaron parte da primeira peza da compañía, O Circo dos Contos. Na actualidade, Pilar Abades e Cristina Collazo continúan o proceso.
Pablo Trasno é un dos maiores referentes do Novo Circo Galego e un dos seus artistas máis completos e aclamados. Con máis de mil funcións nas súas costas e experiencias en escenarios de España, Portugal, Reino Unido, India, Rusia, Cuba, Arxentina, Francia, Bélxica e Brasil.
Show de rúa para o programa Cultura no Camiño.
Espectáculo sobre o amor, ese curioso
sentimento ou obsesión que nos afecta a
todos, sobre todo ao noso protagonista. Os
paxaros cantan, as flores espertan, o sol luce
radiante... e Manicus fracasa.
Amor e odio, xenio e estupidez nuha mesma
persoa..Malabares cos recordos, baile de
suspiros, paixón descontrolada e poesía da
vida .A través da manipulación de obxectos,
do pallaso é do circo viviremos unha hora de
diversión asegurada para tódolos gustos e
públicos.
“Guillermo Solo” está a piques de chegar a cima da súa vida profesional. En primicia mundial vai presentar o seu ecléctico espectáculo de malabares e clown no famoso Hotel Bellagio en Las Vegas, pero o destino desbarata a esperada estrea. A crise faise notar no Bellagio, que ten que facer recortes.
Festival de Circo Pistacatro é a posibilidade de realizar un verdadeiro festival circo nas vilas formado por varios números e espectáculos circenses xuntos, ao modo dos grandes circos de sempre pero a pé de rúa, con ou sen escenario.
Actividade para Cultura no Camiño. Confirmar datas e horas nos concellos das rutas xacobeas onde se representa.
