Busca
Páxinas
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- …
- seguinte ›
- última »
A Rede de bibliotecas de Galicia (composta polas bibliotecas de titularidade pública, estatal, autonómica ou local integradas nesta rede) ofrécelles aos usuarios dos diferentes territorios de Galicia o acceso a milleiros de títulos e materiais informativos. Ademais dos servizos de préstamo, a Rede de bibliotecas de Galicia ofrece outros servizos e actividades para promover a lectura, que cada vez teñen unha meirande demanda social, como os clubs de lectura, charlas de escritores, sesións de animación á lectura para nenos e nenas etc.
A Dirección Xeral de Políticas Culturais xestiona unha rede de museos e centros expositivos a través dos cales se realiza un importante labor de difusión do patrimonio cultural.
Ademais do servizo de visitas e da actividade investigadora cotiá destes centros expositivos, apóstase neles por unha programación que permita ampliar o coñecemento social dos seus fondos e abrirse cada vez máis ao conxunto da cidadanía.
Unha das principais liñas de promoción de obras galegas nos mercados exteriores é a presenza de libro e autores galegos nas principais feiras internacionais do libro, unha programación desenvolvida en acordo coa Asociación Galega de Editores.
Na actualidade temos unha cultura rica e viva, que parte da tradición, pero que incorporou linguaxes contemporáneas. O feito de ser o final do Camiño que vertebrou culturalmente Europa facilitou a penetración das correntes de arte e de pensamento europeas ao longo de toda a Idade Media. A influencia da emigración a América tamén ten moito peso desde o século XIX; no século XX aviváronse tamén os contactos cos países atlánticos europeos, cos que flúe un diálogo natural, particularmente en materia musical.
A Consellería de Cultura, Educación e Ordenación Universitaria mantén pontes de colaboración con diferentes institucións culturais de fóra de Galicia, para a promoción exterior conxunta da cultura galega. É o caso do protocolo de colaboración asinado co Instituto Cervantes, para executar de maneira conxunta actividades no ámbito internacional.