Teatro

O Centro Dramático Galego, o Teatre Nacional de Catalunya e Catrocadeiras producen esta proposta, que chega a Santiago de Compostela despois da súa exhibición en Barcelona. O espectáculo está dirixido polo galego Dani Salgado, quen comparte con Joan Giralt a interpretación e a dramaturxia a partir de textos poéticos de Alfonso Pexegueiro e Narcís Comadira, así como de referencias á filmografía de Jean-Luc Godard. Esta colaboración enmárcase na liña de intercambio que o CDG mantén coa escena catalá e coa lusófona a través do traballo en parcería con estruturas teatrais homólogas e con compañ

Este espectáculo ten o desafío de abordar dous dos máis amados contos de Andersen cunha proposta orixinal e artesanal que integra varias linguaxes escénicas como mimo, commedia dell'Arte, teatro de sombras e escenografías de vangarda. Un espectáculo que fará a delicia de toda a familia

Esta actividade forma parte do programa Ler conta moito de dinamización lectora, da Rede Galega de Bibliotecas.

Un Conto interactivo onde se mestura a maxia o circo ou a hipnose... Dúas personaxes dispares pero no fondo parecidas, acordan para contar historias onde aparezan lobos... pero ao final un fai maxia, outra hipnotiza, os dous fan acrobacias...

E os contos?

Esta actividade forma parte do programa Ler conta moito de dinamización lectora, da Rede de Bibliotecas de Galicia.

Micaela é a muller barbuda do Cirque d'Amore; nel limpa a pista, dá de comer aos elefantes, cociña para os artistas e baila para que o público se ría dela... Coa axuda de Pierrot marchará do circo e coñecerá a Fígaro, un barbeiro tolo que dará a Micaela confianza nela mesma. Pero... conseguirá Micaela ser feliz?

Mediante a interpretación en directo de fragmentos de coñecidas óperas dáse forma ao Il Cirque d'Amore, onde un pianista, un barítono e unha soprano viaxarán co público por un fermoso repertorio musical acompañados dunha historia divertida e didáctica.

Aladino coñece a un misterioso personaxe que lle ofrece facerse rico se lle axuda a conseguir unha vella lámpada de aceite que está nunha cova encantada... o proceso de aprendizaxe que experimenta, o espírito da obra, a súa capacidade de evocación e a riqueza plástica do universo das 1001 noites, fan de Aladdin un espectáculo poético e de amizade.

O famoso e coñecido rei Artur disponse a iniciar unha das súas moitas aventuras, sabendo que os seus fieis cabaleiros e toda a súa corte, coa raiña Xenebra á fronte, sempre o acompañan. Mais algo inesperado acontece: despois dunha extraña conversa cun vixiante da torre dun castelo veciño, o rei Artur atópase con alguén con quen non contaba, a súa irmá, a misteriosa Morgana, que se cadra lle descubre cousas que nin imaxinaba.

Flora e Adrián celebran as súas vodas de prata cunha cea no xardín da súa casa de campo, á que asiste un grupo de amigos. No transcurso da mesma, os invitados mostrarán as súas personalidades ocultas a través do xogo de roles que propón o anfitrión e que cuestionará a sinceridade das súas relacións.

Rafa cumpre 40 anos e o seu mundo derrúbase. Como fuxir desa vida perfecta que construíches? A visita dos seus veciños, marabillosamente integrados na mentira da sociedade, e a insistencia da súa muller en que acate as súas obrigas, actuarán como detonante. Ao longo dunha caótica noite, os catro protagonistas irán destapando as verdades ata asumir, con resignación, que aínda que non teñas a vida que soñaras, quizais a que che tocou non estea tan mal.

E se non, aínda queda a esperanza de escapar e, por primeira vez, chegar ao final da estrada. 

Xan Perillán é un home con sorte, tocoulle nunha rifa unha viaxe a Pernambuco...Pero onde queda Pernambuco?, no hemisferio Norte ou no Sur?...cun pouco de maxia e a axuda dos rapaces seguro que o averiguan.

Esta actividade forma parte do programa Ler conta moito de dinamización lectora, da Rede Galega de Bibliotecas.

Educar para a paz por medio da resolución pacífica de conflitos, mostrar os contos como medio de recoñecemento de situacións conflitivas e como nos ensinan posibles solucións, e fomentar o uso da biblioteca e a lectura, son os obxectivos deste divertido, musical e participativo contacontos teatral.

Está dirixido á mocidade e a nenos e nenas de 3 a 8 anos.

Esta actividade forma parte do programa Ler conta moito de dinamización lectora, da Rede Galega de Bibliotecas.