Tres vellos amigos quedaron para xogar a partida de cartas habitual, non obstante un deles atrásase inexplicablemente. Ten unha boa razón: asasinou a súa muller. Cun punto de partida sorprendente, potente, de pura teatralidade, Eric Assous preséntanos o seu máis recente éxito teatral.
Aogusto Loureiro ten un soño: ser cociñeiro no prestixioso restaurante "Os Tres Tenedores". Queda só un día para as probas e aínda moito por aprender... Conseguirá o Capitán Garfo ensinarlle como se alimentan os auténticos superheroes?
Esta actividade forma parte do programa Ler conta moito de dinamización lectora, da Rede Galega de Bibliotecas.
O home almofada é unha obra que nos fala dun xeito trepidante, cruel e fondamente tenro da imposibilidade de manter a inocencia cando a violencia aparece nas nosas vidas. Fálanos tamén da necesidade humana de imaxinar ficcións, de contar historias como medio para a redención ou para a pura supervivencia en circunstancias límite, unha vía para combater a fugacidade e a brutalidade da vida, da creatividade como xeito de perdurar deixando unha forte pegada do noso paso polo mundo.
En Continuidad de los parques, Roberto Álvarez, Fele Martínez, Gorka Otxoa e Luis Zahera interpretan a máis de 20 personaxes que se cruzan, chocan, e son protagonistas de encontros e desencontros nun parque. A obra disecciona, a través do humor, o dilema entre a túa verdade, a miña verdade e a verdade, e é o espectador o que finalmente elixe a súa propia aventura.
O tío Ramón de Reborneda ten a mellor figueira da aldea pero deron con ela os merlos e decide facer un espantallo. Desde aquela Merla Vella, O Grilo, Can Penexo e Gato Xirimía van ter unha relación moi especial co Espantallo Amigo
Os Quinquilláns adapta esta obra de Xosé Neira Vilas, que é un dos fitos da literatura infantil galega .
A compañía ten un acordo coa editorial Galaxia, que se encarga da súa distribución.
Unha desgraza suburbana improbable entre loucos, gangsters, chulos e prostitutas: foi así que Roberto Vidal Bolaño subtitulou esta peza escrita en 1991 e que agora representan en Santiago de Compostela a compañia do Teatro Nacional Dona María II de Lisboa, tras o éxito acadado nas funcións na capital lusa.
O compostelán Roberto Vidal Bolaño é un dos máis importantes dramaturgos, directores e actores galegos contemporáneos. En Saxo tenor, o autor –herdeiro lexítimo de Ramón María del Valle Inclán– propón un verdadeiro esperpento de finais do século XX.
Cancún conta a historia de dous matrimonios amigos dende hai máis de 20 anos que se van xuntos de vacacións. Unha noite despois dunhas copas de máis, Reme desvela o incidente que provocou a elección das parellas. A partir deste momento comezan a aflorar unha serie de segredos.
Obra orixinal escrita en 1958 inspirada na intervención soviética en Hungría.
O escenario é unha clínica, un centro de repouso en aparente calma, no que os acontecementos virán marcados por dous sucesos: un nacemento e unha morte o día de nadal. A partir deste momento os traballadores somérxense nunha caótica situación que fai aflorar os comportamentos máis sinistros do ser humano, iso sí,en clave de humor.
As historias deses avós e avoas sempre presentes, coa palabra preparada para saír en calquera momento pola boca, con contos para pacientes, para impacientes, para o demo, para tremer de medo, para o mal tempo boa cara e para amarse e durmir quentiños.
Daboapipa, Vero Rilo e Santi Prieto, crean un novo espectáculo dirixido a nenas/os de 2 a 6 anos e familias. Cantos e Contos, ese é o xeito da traballo desta compañía coa que, durante 40 minutos, música en directo, canto e palabra únense para crear un universo máxico e lúdico cos contos máis coñecidos.
Unha viaxe polos montes, prados e camiños máis verdes que se puideran ver, chea de encontros cos animais máis marabillosos: toupas choscas, chivos enormes e ogros torpes, pombas doces e dragóns atroces, bechos estraños, cabalos azuis e cantigas de fai anos e non tantos.
