Nunha mañá soleada e primaveral, aínda que na tarde chovera un pouco, ao Rei dun reino o don da fala e da risa desapareceronlle.
O Rei non falaba, o rei non quería falar, tampouco quería rir. Os máis achegados ao rei, os asesores do reino e o pobo en xeral non sabían que facer… e pensaban ,pasaron días, meses e case un ano, cando de súpeto xurdiu da néboa un bufón, ben, unha bufona, ofrecéndose para devolverlle o don da fala e da risa ao rei a cambio de case nada.
Coincidindo cronoloxicamente no tempo co envío e aterraxe do robot espacial Curiosity, Félix un novo xuíz, vese obrigado a abandonar a súa casa afectada por unha praga de termitas e instalarse durante uns días no que foi o seu domicilio familiar. Da convivencia diaria co seu pai, xorden todas as cuestións que hai anos deixaron sen resolver. O ámbito dos xuízos, onde o xuíz desenvolve a súa profesión, así como as regras establecidas polo seu proxenitor, marcarán a confrontación durante a historia en temas fundamentais para eles como xustiza, felicidade e destino.
Sinopse: Unha noite de verán un pastor noviño entrou no bosque buscando unha ovella que se lle perdera. Andaba veña dar voltas e voltas e de súpeto decatouse que estaba el tamén perdido.
A Figueira do Demo é un espectáculo para tódolos públicos baseado en personaxes da obra dramática de Roberto Vidal Bolaño, colle o titulo da peza que estreará ca súa compañía Teatro do Antroido no ano 1982 “Romance dos Figos de Ouro” da que Cachirulo fixera unha versión no pasado mes de Xullo, e dunha peza infantil anterior, do ano 1978: Xaxara, Paniogas, Tarelo, o Rapaz e o Cachamon ou Trocar en Rato Pequeno o Meirande Xigantón",combinada con elementos plásticos do “Touporroutou da Lúa e do Sol”.
Insólitas aventuras que nos descobren un cómico e divertido mundo, agochado moi preto de nós e cheo de inquedantes situacións. A natureza, a amizade, os disparates humanos… Aprendizaxes e xogos realizados coa maxia do títere chinés.
Bos amigos
Sinopse: O mono e mais o oso quérense divertir e parecen dispostos a facelo converténdose nos malabaristas da selva.
Dúas personaxes que ensinan ao público con xogos, bailes e enredos que nos trae a choiva, antes e despois de que ela veña ou marche.
Espectáculo feito para a primeira infancia respectando os seus estímulos, tempos e xeitos de asimilación, duración e achegamento aos elementos empregados na representación.
Esta programación pode sufrir modificacións. Confirmar datas e horas nos espazos onde se representa.
Cyrano é unha grande obra do Teatro Clásico francés, á vez que unha historia de amor sobre a encarnación do triunfo da beleza moral e da intelixencia fronte a fermosura física e o mundo material.
Tres personaxes adultos póñense a merendar textos xogando co mundo da fantasía e através dos conceptos "libros " e "palabra" como base dos distintos xogos nos que o público pasa a ser colaborador.
Hai en todo momento un achegamento entretido e lúdico ao mundo das letras como parte dunha realidade común e cotiá.
É unha aloucada e desenguedellada comedia sobre a corrupción social e política e a deformación dos valores culturais.
Luma Gómez e Cristina Yáñez encarnan a dúas irmáns, Lina e Rut, que, desde cativas, sempre se odiaron e buscaron a maneira de desfacerse a unha da outra. Pasados os anos, Lina se dedica á venda de aparellos eróticos en xuntanzas caseiras e Rut está casada cun home con aspiracións políticas que, por mesturarse con turbios asuntos de corrupción, é detido e encarcerado.
Un porteiro dun hotel de luxo, que vive na precariedade da rúa nunha caravana, atópase cun can ao que lle gusta interromper o tránsito, para provocar accidentes. Estes dous inadaptados, un xeneroso e outro cínico, van iniciar un diálogo sobre o estado do mundo para finalmente descubrir a tenrura na voz dunha nena. Como dous clowns que denuncian a hipocrisía dunha sociedade, que se indignan con irreverencia contra o mundo no que vivimos. Unha sátira contra a estupidez e o egoísmo.
