Cando a principios de curso, Pippa, moito máis responsable obediente e estudosa cada día, se decata de que o motivo do temporal déficit de atención polo que atravesa é o moito que bota de menos aos seus amigos Cucurbitantes, decide facerlles unha visita, non para quedarse como en anteriores ocasións, coa intención de invitalos a coñecer a cidade da que tanto e tan ben lles vén falando en cada unha das súas viaxes.
O grupo de teatro afeccionado Portasabertas trae á biblioteca, co gallo do Día do Teatro o 27 de marzo, a comedia A desaparición, obra escrita e dirixida por Noemí Aedo.
Argumento: un detective privado investiga a misteriosa desaparición dun marido.
A través dun traballo interpretativo coral que combina linguaxe corporal, física e verbal prodúcese unha reflexión intensa e caleidoscópica sobre unha temática variada: a ecoloxía, o poder dos medios de comunicación, a magnitude do poder da estética, a creación literaria, os valores transmitidos polos contos tradicionais, o papel da muller na sociedade actual, os contidos da publicidade, as revistas e programas do corazón,…
Sinopse: O libro de reclamacións espera por vós, prégase protestar. Haberá tés variados e café, moito café, todo ao seu gusto nun clima agradábel e que incitará á reclamación por parte do público. O cliente sempre ten a razón, por iso lle cedemos a palabra. Proteste, ou non. Sente e escoite o que reclaman as demais persoas, tranquilamente, cun café na man. E quen di café, di unha infusión tranquilizante. Non queremos que o sangue chegue ao río e o contamine. Reláxese e, como moito, escriba unha folla de reclamacións, que non lle fai mal a ninguén.
La Casona é unha comedia delirante e ocurrente con personaxes estereotipados, esaxerados ata o límite o que nos permite ver profundos traballos actorais. Dora e Lita son dúas vellas que herdaron de Felicitas, antiga dona do Casarón, esta mansión. Unha relación de amor-odio úneas e sepáraas, pero seguen xuntas só para quedar co Casarón, ata que un día soa o timbre e chega a Igrexa, única lexítima herdeira de Felicitas. Amén
Un traballo de investigación e laboratorio teatral sobre o lendario texto de Shakespeare, dirixido por Jorge Rey con Alfredo Padilla como único actor.
O único limite e marco fixo é o propio texto do autor, onde o actor investiga e explora as posibilidades desestruturando a orde orixinal da fábula, empezando polo final a partir do momento en que Hamlet lle pide ao seu amigo Horatio que conte a súa historia.
Os actores Carolina Román e Nelson Dante interpretan a historia de amor de amor de Sole e Pablo, un matrimonio que, xunto co seu bebé, Sofía, fuxen da crise de Arxentina de 2001 e chegan a Madrid con soños, proxectos e saudades. Despois de dez anos, a familia considera retornar a Bos Aires obrigada polo actual contexto socioeconómico español.
Flora é unha actriz que conta os contos de sempre, pero dun modo moi especial. Desta quenta, toca a historia de Carapuchiña. Os nenos e nenas, a partir dos tres anos de idade deben estar moi atentos porque...
Autores estranxeiros seducidos polo seu enxeño e pola súa técnica, así como pola construción das personaxes, tomárona como referencia para títulos tales como Jodelet ou le maître valet de Scarron estreada en París en 1643, ou The man's the master de Davenant , a súa herdeira en lingua inglesa.
Espectáculo flamenco de formato esencial do bailaor Israel Galván, con asesoría artística de Pedro G. Romero, que consiste na inmersión dun bailaor coma el (merecedor do Premio Nacional de Danza 2005 na modalidade de Creación “pola súa capacidade de xerar nunha arte coma o flamenco unha nova creación sen esquecer as verdadeiras raíces”), nos canons establecidos na Idade de Ouro do Flamenco – ese período que vai do último terzo do século XIX ao primeiro terzo do século XX -representada pola guitarra de Alfredo Lagos.
