Comedia cinematográfica posromántica na que tres mulleres en paro deciden facer unha película de amor e rematan facendo catro: As pontes de Madison, Notting Hill, Titanic e Amor en 3D. Escrita e dirixida por José Prieto, un dos autores máis prolíficos e representados do actual panorama teatral galego. Con ela preséntase Vía Seis, unha compañía fundada en 2014 por un grupo de novos profesionais da escena, formados na Escola Superior de Arte Dramática (ESAD) de Galicia.
Oliver é un home que quere cambiar de vida. Durante unha entrevista de traballo a súa futura xefa ofrécelle uns fungos alocinóxenos. Oliver quédase durmido diante do oredenador e un cliente o gravará co móbil. Oliver quererá que o cliente borre o video e o cliente non quererá. Da loita destes dous cabezóns nace esta historia sobre a búsqueda da dignidade e do sentido da vida.
Un viaxe iniciático que nos levará a África, a os elefantes rosas, ao amor, á obsesión, ás escopetas de caza, ao alcol, á traizón, aos soños roubados...
Kassa é un espectáculo de teatro visual que se desenvolve ao redor dos principios da escultura. A estructura escenográfica, os actores, os bailaríns e as videoproxeccións constituen un organismo vivo en constante movemento e transformación que comunica a través dos sons, dos obxectos, das cores, das formas, das luces e dos textos.
Alí Baba é un leñador pobre de Persia. Un día, mentres recolle leña no bosque, oe un gran estrondo que o asusta moito. Escóndese entre as pólas dunha árbore e ve como 40 ladróns se deteñen diante dunha roca enorme xunto a unha montaña. O xefe dos ladróns exclama Ábrete, Sésamo!, e a roca apártase para deixar aberta a entrada a unha cova. Os 40 ladróns gardan na cova os sacos cargados de ouro, froito dos seus roubos; despois de que se marcharon, Alí Baba ponse fronte á roca e repite as palabras do xefe. "Ábrete, sésamo". Dentro da cova, atópase con centos de sacos cheos de moedas de ouro.
Elenco:
A actriz e monicrequeira Larraitz Urruzola Tolosa.
Sinopse:
A protagonista desta viaxe é Rosalía de Castro, que ven coa súa madriña Francisca. Xuntas contarán pasaxes da vida da artista e algúns dos seus poemas, da man da actriz e monicrequeira Larraitz Urruzola.
Utilízanse monicreques de mesa, onde o traballo de manipulación faise á vista, creando diálogo entre actriz-monicreque-público-actriz.
Juanita Calamidad ven a ser unha especie de anti Yerma, unha mestra da marcha atrás, reacia á maternidade e a calquera cousa que conleve compromiso. Unha eterna Campanilla, que vive ao límite que pon en cuestión a noción do xénero e que non é casta, abnegada nin sumisa. Vive o presente e non fai ascos a ningunha festa.
Un día, resacosa, escoita unha voz que lle aconsella un pouco de sensatez. Xa vai tendo anos e é hora de cambiar. Esa noite pecha todos os bares, é detida por escándalo público e termina no calabozo, onde a súa sorte cambia para sempre.
O temible pirata John Silver busca sen éxito o tesouro do lexendario capitán Flint. Billy Bones traicionouno dándolle un mapa falso. Manda un dos seus homes (Pew) buscar a Bones para lle dar morte e recuperar o verdadeiro mapa. Bones refuxiouse nunha fonda rexentada por Tom Hawkins e o seu fillo Jim.
Pew dá co paradoiro de Bones, e no seu intento por matalo para recuperar o mapa mata tamén por accidente o pai de Jim. A Jim só o asiste o doctor Livesey. Inesperadamente, Jim atopa o mapa do tesouro que escondía Billy Bones e él mailo doutor deciden ir buscar o tesouro.
A saia da Carolina é un entremés satírico inspirado na tradición oral onde se xuntan contos con cantos, confesións, sermóns, locucións, recomendacións, adagios, proverbios, trabalinguas, adiviñas, ditos e reditos para contar a historia dos amoríos do Padre Damián coa súa criada Carolina, muller de Xosé, o muiñeiro.
Tres bruxas viaxeiras, un caldeiro máxico e marabillosas historias que aparecerán por arte de maxia diante dos nosos ollos.
A bruxas Pata de Cabra son especialistas en contar as mellores historias, sempre coa axuda dos seus pequenos aprendices.
A miña primeira viaxe é a historia do comezo, do nacemento da vida. Un neno viaxa dentro da súa cápsula por un universo descoñecido. Non sabe cara onde vai, nin quen é. Pero non ten medo se sinte o tum-tum dos motores.
Unha vella maleta transformada nunha caixa de luz, focaliza a mirada do que observa. Unha actriz que conta e canta un relato de procura da propia identidade, e un músico que dialoga coa linguaxe onírica do propio relato; son as pezas fundamentais desta viaxe, da primeira de tódalas viaxes.
