Espectáculo de teatro infantil a cargo da compañía Bandullo Azul cheo de humor e dos labores propios destas datas. Vicki e a felicidade proponnos unha viaxe a través da maxia e da música que mostra a importancia da empatía, da igualdade e dos coidados que melloran as nosas vidas e as das persoas que nos rodean.
Velaquí unha comedia de Culturactiva Producións para todos os públicos dirixida por Avelino González, interpretada por Félix Rodríguez e Fran Rei e con escenografía de Kukas. Trátase dunha peza que mestura música, maxia, humor, moito ritmo e participación do público, co universo da gastronomía e das festas de Nadal de fondo.
Bravas é unha produción teatral sobre mulleres sen medo, mulleres que forman parte dun valoroso clan, o clan que elas mesmas paren, amantan, manteñen, constrúen cos piares da rebeldía, da rebelión, da ilusión, do inconformismo, da valentía, da xustiza social, da empatía, da humanidade.
Os ratiños de Lonxedetodo volven á biblioteca coas súas fabulosas historias.
Público familiar a partir de 3 anos
Salón de actos
Entrada libre ata completar a capacidade da sala
Así é como transcorre un día na vida dun can, pero non dun can calquera.
Trátase dun can moi especial que pertence a unha raza mítica, lendaria e con moito prestixio, a de Palleiro. Este can é Duncan de Palleiro, o Príncipe das Corredoiras.
Duncan leva unha vida sinxela á beira do seu amo Aurelio e dos seus amigos, veciñas e rabaños de sempre nunha aldeiña ao abeiro do monte Espigo chamada Oubidos, da cal se sente moi fachendoso.
Se algunha vez houbo un nós é unha obra que explora con delicadeza e intensidade as fracturas invisibles das relacións humanas. Dirixida por Ignasi Vidal, a peza cobra vida grazas ás interpretacións de Félix Gómez e Noemí Ruiz, que sosteñen un duelo escénico tan íntimo como poderoso.
Vén descubrir unha das comedias máis exitosas da última década, que leva 12 anos facendo rir sen parar a centos de miles de espectadores na Gran Vía de Madrid. Corta el Cable Rojo é unha comedia excepcional que conquistou o público co seu enxeño, humor contaxioso e números cómicos espectaculares. A súa fórmula infalible combina música cautivadora creada en directo, proxeccións deslumbrantes, o talento apabullante dos actores e un formato arrollador que transforma cada función nunha experiencia teatral única e emocionante.
Juanjo Artero protagoniza esta nova adaptación do clásico de Agatha Christie. Con once intérpretes sobre o escenario e unha potente posta en escena, Asesinato en el Orient Express promete converterse nunha experiencia cautivadora e chea de emoción.
Inverno nos anos 30: Hércules Poirot viaxa no Orient Express. En plena noite, unha tormenta illará o tren e, á mañá seguinte, un dos pasaxeiros aparece asasinado. Co asasino aínda a bordo, Poirot enfróntase a un dos casos máis desafiantes da súa carreira. ¡Acompáñao nesta viaxe chea de misterios e sorpresas!
Pablo Meixe volve para seguir probando textos, improvisar co público e, sobre todo, facer o que máis lle gusta: vervos rir sen parar. Este espectáculo é un torbellino de gargalladas e complicidade co público. Se ris cos seus vídeos, prepárate para vivir a experiencia en vivo e en directo. Sen filtros, só unha hora de pura comedia!
Entre pocións, plantas e libros mora acubillada Flora, unha muller que emprega procedementos experimentais e mesturas explosivas practicando a ALQUIMIA MODERNA!
Aprenderedes a facer experimentos básicos e coñeceredes inventoras das que nunca oístedes falar.
Atrevédesvos a entrar no seu laboratorio?
Actividade aberta a todos os públicos.
Duración:60 minutos
Horario: 12:00-13:00 horas
Espazo: CEIP de Sarreaus
