Onde van os nosos corpos cando desaparecen? Qué somos? De que estamos feitos? Qué é un corpo?
O Patio Teatro asómase ao interior do corpo humano para tratar de explicar, a través do teatro de obxectos e a narración, que é iso que levamos dentro.
Nunha tímida clase de anatomía, as preguntas acumúlanse para desentrañar algúns misterios do corpo humano. O resultado, un xogo, unha breve lección de anatomía, do Patio Teatro.
A PRENSA DI:
Un Congreso Feminista na cidade de Vigo. Tres amigas da adolescencia que hai anos que non ven. Tres amigas que teñen 3 maneiras ben distintas de entender o "feminismo" Por exemplo: feminismo radical, feminismo liberal e postfeminismo. Esta é a base de Feminíssimas, unha peza con altas doses de humor, ironía e complicidade para poñer a amizade a proba mentres analizamos -desde a comedia- de que maneira as mulleres estamos, con-vivindo neste novo mundo feminista no que nos atopamos mergulladas.
O cociñeiro Antón e a pasteleira Tomasa volven nesta ocasión, para amosarnos o divertido que é cociñar entre amigos, superarse xuntos e atreverse a afrontar novos retos.
A pasteleira Tomasa contarnos como gañaron o Premio “Máster Comellón” grazas á súa orixinal receita “Brocheta de froitas da casa recuberta de chocolate fondue”.
Dous nenos duns once anos enfróntanse con violencia nun parque. Beizos inchados e dous dentes rotos…. Os pais da “vítima” convidan á súa casa aos pais do “matón” para resolver o conflito. O que comeza sendo unha charla con bromas e frases cordiais, adquire un ton máis violento a medida que os pais van revelando as súas ridículas contradicións e grotescos prexuízos sociais.
A mestra é valente, hábil e riseira. Cre nas capacidades dos nenos e as nenas, nas de todos e todas.
A mestra e a súa pequena clase construíron xuntos unha fermosa escola, unha escola no bosque con cabida para todos os animais.
A palabra máis querida pola nosa mestra é a liberdade, polo que quere que a súa clase creza libremente. Desgraciadamente, os maiores
comezan unha guerra que obrigará aos nosos protagonistas para deixar atrás a súa soñada escola, unha escola construída desde o amor e o coidado
No século XVI unha pequena comunidade de monxas á beira do Miño vese ameazada pola cobiza da hierarquia eclesiástica. Os señores da Igrexa, para rematar coa resistencia das freiras non dúbida en difamalas e ameazadas por todos os medios, desde o tribunal da inquisición á violencia das mesnadas señoriais. Carme Varela reconstrúe nun thriller conventual aqueles tempos de resistencia das comunidades de mulleres autosuficientes e poderosas. A vida parece continuar coas suas rotinas de rezos, bordados e melindres, mais a negra sombra da ameaza exterior abátese sobre o convento de Albeos.
As bases sobre as que se asenta a nosa obra A Violación de Lucrecia de William Shakespeare, ten a súa orixe nun suceso histórico ocorrido en Roma 500 anos a. de C. e descrito tanto por Ovido como por Tito Livio: A violación dunha dama romana, chamada Lucrecia, por parte do príncipe Tarquino.
Sé testemuña do evento do ano, o Elo Mais Influencer Race Spain, un concurso no que diferentes creadores de contido competirán entre sí para demostrar quen é o mellor! En que consistirán as probas? Quen decide os desafíos? A que público vai dirixido? Incógnitas que os nosos influencers deberán enfrontar se non queren arriscarse a perder un só like.
VITÓRIA é o retrato dunha denuncia. Unha peza de teatro autobiográfico que conta o proceso xudicial ao que se someteu a actriz Iria Pinheiro cando interpuxo unha denuncia por acoso sexual contra o director do programa de televisión no que traballaba.
A peza reconstrúe a historia que vai desde 2017 a 2023, intercalando a documentación xudicial do proceso co xogo e a ironía características do cabaret.
Mangoreté é unha sátira sobre a sociedade actual, conducida por dúas azafatas chegadas dun misterioso lugar chamado Mangoreté, que convidarán o público a viaxar con elas e “cambiar” para sempre as súas tristes e normais vidas. Un musical no que se abordan con acidez temas tan actuais como as adiccións, a emigración, o machismo ou os canons de beleza.
