Unha oficina destartalada, a casa dunha parella, un bar e un consultorio médico. Diferentes sitios que se alternan nun mesmo espazo conxugando a vida de cinco personaxes. Úneos a soidade, a incomprensión e a necesidade de amar.
Cinco vidas, cinco desexos de amar, cinco acodes incapaces. Mentres tanto vívese, trabállase, téntase.
Medo a non ser, medo a que saiban quen son.
Medo e incapacidade.
A historia de querer e non saber que facer.
A historia dun intento absurdo.
Helena é unha doutora de prestixio internacional que regresa á vila natal para comezar unha nova etapa xunto ao seu compañeiro. Embarazada de cinco meses, afronta o seu novo estado coa ilusión por un novo proxecto profesional co balneario que ela mesma deseñou, e que se presenta como un alternativa turística sostible e saudable.
A inesperada contaminación das augas da zona e a súa loita por preservar a saúde da poboación fronte aos intereses económicos van colocala no punto de mira da veciñanza, que ve como se pon en risco a prosperidade para toda a comunidade.
É unha obra que transcorre cando o director dun importante medio de comunicación debe deixar o seu posto en mans dun dos seus dous subdirectores. Un é muller e o outro home ¿Que influirá nesa decisión?: ¿a capacidade?, ¿o sexo?, ¿a experiencia?, ¿a audacia?, ¿o engano?, ¿a trampa?... Unha obra de impacto emocional, na que nada é o que parece ser, e na que a traizón e o amor son xiros continuos desa falsa rosca chamada poder. Unha obra atrapante contada maxistralmente.
A conmemoración dunha batalla esquecida reúne aos exiguos restos dunha tropa. Apenas se distinguen xa daquelas pantasmas que evocan, os que quedaron sepultados xunto co medo e a gloria, nas trincheiras. Diríase definitivamente vencidos polo tempo, derrotados polas hostilidades do destino, con todo, non abandonaron a esperanza de realizar unha última xesta gloriosa.
Na reunión anual planean perpetrar o asalto ao poder, soñan cun desquite que termine coas inxustizas e terminan que acaban entre ambicións e rivalidades.
A presidenta dun Partido ultra-nacional, occidental, homófobo e ascendente, Nicole Wallace, ten que defenestrar politicamente á súa amiga Janet Müller, ideóloga e vicepresidenta, para branquear a súa formación e aspirar ao poder. A filla de Janet, bisexual e ferozmente crítica coa súa nai, comeza unha relación peculiar con Iván, o fillo de Nicole. Ambas as historias, entrelazadas ao longo dun ano de eleccións locais, rexionais, europeas e xerais, levarán ao Partido Nacional ata o máis alto. Xusto ao bordo dun inmenso precipicio.
Que relación hai entre vontade e fe? Que fai que algo sexa verosímil? Que papel ocupa a vontade na suxestión?
Despois de dedicarnos a escoitar cancións para a creación da nosa última obra, poñeremos agora a nosa atención na crenza. Para isto, traballaremos a partir da película Ordet, de Dreyer, que remata cunha das escenas máis belas e de verosímil máis ousado que eu vin.
Proposta da compañía teatral Bandullo Azul protagonizada por Fran Campos e baseada no libro homónimo de Xosé Lueiro, do que o concello receptor da actividade recibirá 5 exemplares.
O espectáculo conta a viaxe iniciada por Fazulas, o gato persa de dona Adelaida, na súa teima por saber de que cor é o vento. Para darlle resposta a ese misterio, emprenderá unha fantástica aventura collido á empuñadura dun paraugas. Unha peza que trata de sensibilizar a cativada sobre temas como a violencia machista ou os conflitos bélicos.
Adictos somos todos...
Adictos xorde da necesidade de abordar unha problemática que nos afecta a todos: ata qué punto estamos sometidos pola tecnoloxía? Somos realmente libres? Qué tipo de sociedade construímos? Qué panorama exponnos o futuro máis próximo? Realmente merecémonos o cualificativo de "seres humanos"?
O mércores 21 de decembro acolleremos a representación da obra de teatro 'Políticas sentimentales', que recrea un encontro entre María Casares e Albert Camus.
Da man do Centro Dramático Galego e baixo a dirección de Javier Villán, a obra será interpretada polos actores Sabela Hermida e Germán Torres.
Con este último acto péchanse no museo as actividades organizadas pola Xunta de Galicia con motivo da celebración do Ano María Casares.
A tarde do sábado, 17 de decembro, temos un apuntamento especial como peche das actividades de Museo en familia.
Teatro: Amigos, viaxes, lendas… Cabaret familiar no que o público pode participar nas accións propostas polo mestre de cerimonias.
Máis información en https://museoperegrinacions.xunta.gal/.../museo-en...
reservas.mdperegrinacions@xunta.gal
