Teatro

Theatrical show based on the stories of Álvaro Cunqueiro recounted in his book “OS OUTROS FEIRANTES”.

Chega a Comparsa do Arcipreste celebrando a procesión da Virxe e a fertilidade da terra. Juglaresas e xograres anuncian os praceres do Bo Amor e o bo humor tan necesarios para as artes da sedución. Escenifican a mocidade inexperta do Arcipreste namorado de cristiás, mouras e xudías; os alegres consellos de don Amor e dona Venus; as historias dos amantes preguiceiros; a historia de Pitas Payas; os amores de don Melón e dona Endrina; a astucia de Trotaconventos;  o combate entre don Carnal e  dona Coresma?

A versión da obra de Hans Christian Andersen, cóntanos a historia dun cisne que nace accidentalmente nun niño equivocado. Desde o principio o Patito ?feo? é rexeitado pola sociedade da granxa pola súa condición de diferente.

Pero case sempre é peor permanecer no lugar que non nos corresponde que andar perdidos durante algún tempo. Ao final dun longo traxecto de penurias, pero tamén de aprendizaxe, o patito descobre ao verse reflectido así mesmo na auga, que el tamén é un fermoso cisne.

Un personaxe obsesivo, cuadriculado e meticuloso.

Un ser único na súa especie rodeado dun sen fin de caixas que escapan ao seu control e coas que xoga para dar forma ao seu mundo.

Do caos xorde un universo delirante onde inventa a risa, creando unha tolemia cómica e transformándose nun novo ser cunha nova figura.

Álex é un neno que coma calquera neno de 8 anos encántalle correr, xogar, quedar con amigos/as, ir ao parque..., a súa paixón: o fútbol, pero un día Álex ten que deixalo todo, porque o seu corpo non responde, non camiña…e coma calquera neno, Álex enfádase, enfádase coa súa nai, coa súa irmá, co seu can, ata co fútbol, Álex enfádase co mundo e asáltanlle moitas preguntas, - porque a min?, porque non podo xogar?

Os Santos Inocentes, de Miguel Delibes, preséntasenos como un espello no que mirarnos.

Como sociedade.

Como individuos.

E como todos os espellos, devólvenos o reflexo do noso pasado para que podamos explicar o noso presente.

A imaxe á que nos enfronta é crúa, bela, salvaxe...pero sobre todo profundamente humana...

Cada mañá, Tic Tac,  un antigo  reloxo espertador, dá corda á súa entrañable colección de reloxos en cuxo interior  se atesouran e resgardan momentos felices.

Repentinamente, verase ameazado ao recibir un tentador obsequio do ambicioso Wifi, un modernísimo  teléfono, que detrás da  súa inocente aparencia, oculta intereses perigosos  que  complicarán a súa existencia.

Esta é a historia da pequena CRISTINA, unha nena que ao nacer pensaron que era un neno. Si, un neno?

Ela nunca sentiu neno. Desde sempre sentiu nena e así llo fixo saber aos seus pais desde moi pequeniña.

CRIS, que así lle gusta que a chamen, é unha nena trans, risueña e intelixente, que loita polo seu dereito para ser a persoa que é e sente. Desexa ter un futuro repleto de liberdade e oportunidades, para poder crecer e desenvolverse, como calquera outra nena da súa idade.

Dunha cabeza que se pasea polas nubes podes esperar calquera cousa: un mandil que é unha torre, unha luva que é un coello que leva un despertajor, unha folla de papel que é nada e moito á vez.

Contos de nunca acabar, disparates, contos con ritmo, con veinto, contos que se comen, contos que se cantan... historias varias e variadas, contos curtos, contos longos, en prosa, en verso.

Imaxinación con moito humor, xogos de palabras e de mans? un estilo propio de estar sobre o escenario e comunicarse co público?

O Porco, o animal totémico dos cocidos e dos entroidos, toma os teatros para demostrar a sua superioridade sobre os seres humanos. O que presenta Excéntricas é un teatro de barracón, aquel que, na infancia, nos fascinaba e nos asustaba a partes iguais. Un farol mortizo, un chan de serrín, unha cortina vermella e, de súpeto, aparece o porco en elegante pose de equilibrista a sosterse sobre os pés, a finxirse un ser humano con tanta graza, que resulta imposible distinguilo.