Alfonso Sánchez, actor (Ocho apellidos vascos), director (Medalla do CEC a director revelación por El mundo es nuestro), guionista e produtor en cine e televisión penétrase no legado do pobo xitano. No momento en que se cumpren 600 anos da súa chegada á Península Ibérica, Pendaripen aspira a colocar a súa historia silenciada no lugar que merece, lonxe de romanticismos e estigmas.
Desde finais do verán ata o inverno máis cru, Chantal Akerman percorre o leste, da Alemaña oriental a Moscova pasando por Polonia e os países bálticos. Pouco despois da desaparición do bloco soviético, Akerman filma “todo o que se transforma lentamente durante a viaxe: os rostros e as paisaxes. […] Todos eses países en plena mutación que viviron unha historia común despois da guerra, aínda marcados por esta historia ata os sucos mesmos da terra, e cuxos camiños agora diverxen.
Orsolya é alguacila na cidade de Cluj, en Transilvania. Fiel ao seu cargo, debe executar o desafiuzamento dun home sen teito que vive no soto dun edificio do centro destinado a converterse nun hotel de luxo. Pero un suceso inesperado confróntaa de súpeto coas súas propias contradicións, desencadeando nela unha profunda crise moral.
Living Archaeology in Gaza
Forensic Architecture, Reino Unido, 2022
11 min, DCP, inglés, VOSE
Il n’y aura plus de nuit
Éléonore Weber, Francia, 2020
76 min, DCP, francés, VOSE
1943: Maria e Hermann Braun casan xusto antes de que a el o envíen á fronte. Ao final da guerra dan a Hermann por morto e Maria comeza unha nova vida.
O documental Reflexos do amor escuro parte dunha curtametraxe de ficción, feita en super 8mm, no ano 1977, e relata as vivencias duns homes acaecidas na cidade da Coruña naquela época.
O que García Lorca chamou “amores escuros”. No documental inclúese a teatralización dos seus sonetos sobre os ditos amores.
Arnold, un rato de mediana idade en plena crise existencial, vive en constante sospeita. Ao contrario que a súa muller María, sempre sentiu que o mundo que o rodea é falso, como un DECORADO! Arnold decide revelarse ante a sociedade enfrontándose aos seus supostos amigos, veciños, médicos e mesmo á corporación A. L. M. A., que claramente dirixe o lugar que habita.
Presentación e coloquio co director no primeiro pase.
Un rico industrial vai pasar unha fin de semana coa súa amante a un castelo que este ten no campo. Alí atópanse por sorpresa coa súa muller e co amante desta. Eles catro, xunto coa filla de ambos e outros personaxes, xogan á ruleta chinesa.
A través dos ollos dun campesiño, segue diversos acontecementos históricos entre 1939 e 1954 que explican o contexto que desembocou na guerra da independencia por Alxeria. Rodada con grandes medios, ao estilo dunha superprodución épica, é un dos filmes máis relevantes da historia do cinema alxeriano. Obtivo a Palma de Ouro en Cannes.
O colectivo de realizadoras Neozoon leva a cabo, desde hai quince anos, unha lectura única das redes sociais e da cidadanía que as poboa e nutre. A partir de asombrosas remontaxes rítmicas e collaxísticas, afondan nos comportamentos sociais colectivos desmiuzando as súas autorepresentacións e obsesións, deambulando entre a diversión e a incomodidade, lidando con conceptos como a fe, a virilidade, o sadismo ou as complexas relacións dos seres humanos co resto de seres animais.
