Proxección audiovisual

Miss Ledyia (José Gil, 1916) Noticiario nº 15 (Vicus Films, 1929) Imaxes de Castelao en Buenos Aires (Eligio González, 1972) Sesión centrada na figura de Castelao con varias películas en que fai acto de presenza. Primeiro co seu breve cameo en Miss Ledya, a primera ficción rodada en Galicia que se conserva. Logo coa súa aparición nunha das noticias que recolle un dos Noticiarios de Vicus Films. Finalmente, cunha recompilación de diferentes imaxes do seu exilio en Arxentina.

Aos trinta, Jenifer comeza a indagar sobre as súas orixes, consciente unicamente de que a súa adopción en España está relacionada coa traxedia de Armero, provocada polo volcán Nevado del Ruiz en Colombia, e de que existe a posibilidade de que a súa nai aínda estea viva. Con estas pistas, inicia unha investigación que a leva ao seu país natal, onde coñece a diferentes persoas que a axudan a descifrar o seu pasado. A súa viaxe culmina cando, por casualidade, coñece a alguén que cambia a súa realidade para sempre.

Matías Piñeiro, logo de acometer 7 adaptacións de Shakespeare na súa carreira, lánzase en Tú me abrasas a trasladar en imaxes e sons un capítulo dos Diálogos con Leucó de Cesare Pavese: Espuma de mar. Nese breve texto a poeta grega Safo mantén unha conversa coa ninfa Britomartis. O desexo de morte da intelectual helena, que a leva a botarse ao mar, resoa no propio suicidio do escritor italiano nun hotel de Turín. A lírica de Safo, tal como a coñecemos nos nosos días, resulta fragmentaria, pois non lograron atoparse manuscritos completos da súa obra.

Percorreremos o cine de Matías Piñeiro a partires da súa particular aproximación aos personaxes femininos das obras de Shakespeare e o seu interese por indagar entre as complexas e apaixonantes relacións entre o texto, a súa poética e a imaxe, mais tamén falaremos con el sobre o seu xeito de traballar sempre en colaboración cun mesmo grupo de actrices e compañeiras ou sobre a súa procura de formas alternativas e fóra do circuíto para producir os filmes.

Proxección posterior dos filmes de Matías Piñeiro 'Prefacio para el Dialoguito' y 'Tú me abrasas'.

Nesta terceira mesa abordaremos os retos e posibilidades da produción e a distribución cinematográfica desde unha perspectiva de xénero. Trataremos os modelos e as estratexias de comunicación que se poñen en marcha nestas etapas esenciais da vida dunha película, compartindo experiencias concretas e formas de traballo para analizar como evolucionou a industria nos últimos anos.

Proxección posterior de 'Los Tortuga' (Belén Funes, 2024).

Historias e experiencias persoais de 10 mulleres italianas que deixaron o seu país de orixe para buscar outro futuro en España.

Documental que traza o percorrido vital e artístico do intelectual, artista e político galego Alfonso Daniel Rodríguez Castelao dende a súa chegada á Pampa arxentina con dez anos en 1896, onde o pai tiña un negocio; ata a súa morte en 1950.

En colaboración co proxecto sobre a representación do corpo enfermo no cine dos primeiros tempos do Grupo de Investigación en Orixes do cine da Universitat de Girona, a Filmoteca de Catalunya e Filmoteca Española propoñen un programa baseado nas súas coleccións.

Unha aproximación á mirada que o cine científico, doméstico e de ficción fixo sobre a enfermidade e o corpo.

Romano Patroni, un arquitecto vindo a menos que agora traballa nun barco de vapor, explica a súa desgraciada vida a un cliente, un cabaleiro ruso. A pesar da súa orixe humilde, Romano acabou a carreira de arquitectura e casou cunha rica herdeira. Esgotado dunha vida monótona e baleira, Romano decidiu pasar unha tempada nunhas termas da Toscana, onde namorou dunha tímida muller rusa de ollos negros.

Un home da alta sociedade vive recluído nun castelo, crendo que é o rei Henrique IV do Sacro Imperio Romano Xermánico. Leva así 20 anos, desde que sufriu un accidente e golpeou a cabeza cando ía disfrazado deste personaxe histórico. A súa irmá e un grupo de criados cóidano, mantendo a ilusión de que o mundo transcorre en plena Idade Media. Agora un psiquiatra ideou un elaborado plan para conseguir que o home recupere a cordura.