Proxección audiovisual

Retrato do músico máis popular e prolífico do século XX, o máis querido polo público internacional, dúas veces gañador do Oscar da Academia e autor de máis de 500 bandas sonoras inesquecibles: Ennio Morricone. Unha fermosa homenaxe en forma de documental conformado por unha entrañable entrevista de Tornatore co Mestre, por testemuños de artistas e directores como Bernardo, Bertolucci, Oliver Stone, Quentin Tarantino, Bruce Springsteen, e tamén por escenas de ficción, fragmentos da súa música e imaxes de arquivo.

Justine (Kirsten Dunst) e o seu prometido Michael (Alexander Skarsgård) celebran a súa voda cunha suntuosa festa na casa da súa irmá (Charlotte Gainsbourg) e o seu cuñado (Kiefer Sutherland). Mentres tanto, o planeta Melancolía diríxese cara a Terra.

Un severo coronel unionista está á fronte dun reximento que debe infiltrarse en pleno territorio confederado para cumprir unha difícil misión. Nesta aventura acompáñao un médico de bos sentimentos. Para evitar que revele os seus plans ao inimigo, vense obrigados a levar como refén unha moza rebelde sureña que coñece a misión.

Sean Thornton, un boxeador norteamericano, regresa á súa Irlanda natal para recuperar a súa granxa e esquecer o seu pasado. Nada máis chegar namora de Mary Kate Danaher, unha moza moi temperamental, aínda que para conseguila deberá loitar contra os costumes locais, como o pago da dote e, ademais, contra a oposición do irmán da súa prometida.

Un home desexa vender a súa empresa. O problema é que, cando a fundou, inventouse un presidente ficticio, tras o cal pode ocultarse cando tivera que tomar medidas impopulares. Cando os posibles compradores insisten en negociar cara a cara co presidente, o propietario vese na obriga  de contratar a un actor fracasado para que interprete ese papel. De repente, o actor decátase de que non é máis que un monicreque envolto nunha trama que quizais poña a proba a súa catadura moral.

Un grupo de mozos comparte un mesmo interese: a idiotez. Cunha casa de campo como base, pasa o seu tempo libre xuntos explorando os ocultos e pouco apreciados valores da idiotez. O grupo adícase a enfrontarse á sociedade coas súas idioteces. Karen, unha muller solitaria e reservada, únese ao grupo despois de participar involuntariamente nunha das sáus actuacións.

A principios dos anos 70, Bess (Watson), unha inxenua moza dunha vila costeira de Escocia, namora de Jan (Stellan Skarsgård), un home mundano que traballa nunha plataforma petrolífera. A pesar da oposición da ríxida comunidade puritana á que pertence, Bess e Jan casan. Tras a voda, el volve ao seu traballo, e ela conta os días esperando a súa volta. Bess, unha crente devota, cre que o seu amor está bendicido polo ceo; pero un día acontece un terrible accidente. Primeiro filme da triloxía "Corazón dourado" de Lars Von Trier.

Travis e Sandy son dous mozos tratantes de cabalos que aceptan a oferta de guiar unha caravana de mormóns cara o Oeste, onde o grupo pretende instalarse e cultivar a terra. No camiño úneselles un trío de artistas ambulantes, composto por unha parella maior e a moza Denver, de quen Travis remata namorando. O seu encontro cos Clegg, foraxidos a quen persegue a xustiza, complicará a súa viaxe.

Logo da Segunda Guerra Mundial (1939-1945), Leo Kessler, un mozo americano de orixe alemá, trasládase a Alemaña para traballar co seu tío nunha compañía de ferrocarrís. O seu traballo permítelle viaxar, fascinado, por un país derruído pola guerra; pero tamén terá que enfrontarse pouco a pouco ós horrores da barbarie nazi.

Nunha vila mineira de Gales viven os Morgan, todos eles mineiros e orgullosos de selo e tamén de respectar as tradicións e a unidade familiar. Sen embargo, a baixada de salarios provocará un enfrontamento entre o pai e os fillos; porque mentres estes están convencidos de que a unión sindical de todos os traballadores é a única solución para facer fronte ós patróns, o cabeza de familia, en cambio, non quere nin sequera oír falar de sindicatos nin de socialismo.