Proxección audiovisual

Esta é a historia dunha cadeliña que recorda os distintos amos que tivo ao longo da súa vida e aos que quixo incondicionalmente, enchendo de inocencia e luz todos os fogares onde viviu.

Fisher, un inspector de policía, regresa a O Cairo despois de estar investigando un asasinato en Europa. Atópase nun estado de confusión que o leva a buscar a axuda dun psicoterapeuta. O seu obxectivo é intentar reconstruír, por medio da hipnose, o crime a partir dos datos que foi recompilando.

A adiñeirada familia británica Bennett goza dunhas relaxadas vacacións nun resort en Acapulco cando unha chamada anuncia un fatal suceso. Alice (Charlotte Gainsbourg) decide interromper a viaxe de inmediato mentres que Neil (Tim Roth) finxe ter perdido o pasaporte e quédase en México, indiferente a unha noticia tan tráxica. Esta actitude agudiza as diferenzas entre eles ata chegar a límites insospeitados.

Tom Joad (Henry Fonda) regresa ao seu fogar tras cumprir condena na prisión, pero a ilusión de volver a ver aos seus transfórmase en frustración ao ver como os expulsan das súas terras. Para escapar á fame e á pobreza, a familia non ten máis remedio que emprender unha longuísima viaxe chea de penalidades coa esperanza de atopar unha oportunidade en California, a terra prometida.

1832. O mozo Abraham Lincoln ten 23 anos e traballa nunha pequena tenda de New Salem, unha vila tranquila de Illinois. Empeza a devorar libros e a estudar Dereito de xeito autodidacta. Pouco a pouco decátase de que o seu talento de comunicador e a súa elocuencia permitiranlle seguir nesta vía. Desgraciadamente, a muller á que ama morre durante o inverno. Lincoln decide irse a Springfield para abrir un gabinete de avogados: comeza entón a súa ascensión cara as cimas do Estado.

Despois de sufrir unha traxedia persoal, Harper (Jessie Buckley) retírase soa á fermosa campiña inglesa coa esperanza de encontrar o lugar ideal para curarse. Pero algo ou alguén parece estar axexándoa. O que comeza coma un pavor latente rematará converténdose nun auténtico pesadelo, habitado polos seus recordos e medos máis escuros.

Irlanda 1922. Traizón entre amigos para un coñecido filme de Ford. Rodada en menos de 3 semanas. No axitado Dublín dos anos vinte, Gypo Nolan, un tipo sen oficio nin beneficio, expulsado do Exército de Liberación Irlandés e con tendencia a empinar o cóbado, soña con viaxar aos Estados Unidos en compañía da súa moza, Katie, que se gañou a vida como prostituta. Animado pola recompensa que ofrecen as autoridades, Gypo delata o paradeiro do activista Frankie McPhillip, un vello amigo e compañeiro.

A historia segue a unha parella de anciáns. El ten problemas de corazón e ela padece Alzheimer. Unha ollada próxima á realidade deste matrimonio que trata de facer fronte ás súas enfermidades e ao paso do tempo.

Ugyen é un novo profesor en Bután que elude os seus deberes mentres planea ir a Australia para converterse en cantante. Como reprimenda, os seus superiores envíano á escola máis remota do mundo, unha aldea glacial do Himalaya chamada Lunana.

Considerado o mellor filme da época muda de John Ford, un western arredor do ferrocarril e o espírito pioneiro dos Estados Unidos de América. O presidente Lincoln autorizou a construción dun enlace entre as liñas ferroviarias da Union Pacific e a Central Pacific.