La entrega
Armando ten 80 anos. Un descoñecido trauma impídelle saír da súa casa desde hai unha década. O seu único contacto co exterior é a través dun rider que lle trae os pedidos que xestiona o seu fillo desde o estranxeiro. Un día Armando recibe algo que fará que reaparezan vellas pantasmas, medos e lembranzas que afrontar.
O niño dos paxaros
Tras o golpe de estado, o réxime de Franco aproveitou a vitoria para castigar de forma cruel e salvaxe á poboación republicana. Máis de 250.000 españois foron encerrados en campos de concentración e en cárceres. A represión contra as mulleres foi aínda máis dura, con violacións, humillacións vexatorias e rapadas de pelo. Moitas destas mulleres escribíronlles cartas aos seus familiares ou amigos antes de morreren ou durante o seu encarceramento. Este documental atopa e difunde esas cartas para que o seu nome non se borre da historia.
No medio do parque natural de Collserola, un grupo de novos arquitectos de todo o mundo viven e estudan o futuro das cidades. Coa chegada da covid, serán confinados no medio dunha fraga, experimentando os problemas e conflitos emocionais da autosuficiencia como xamais esperarían. Tras un muro de árbores, as opcións son infinitas.
Este proxecto documental lévanos a coñecer a Xosé Velo, un notábel político e escritor nacido en Celanova en 1916. Membro do primeiro Consello Nacional da Federación de Mocedades Galeguistas, chegou a ser elixido secretario xeral desta organización en 1935. Despois da guerra trasladouse a Vigo, onde o detiveron pola súa actividade antifranquista. En 1948 fuxiu a Portugal e foi detido pola PIDE, aínda que grazas á mediación do Unitarian Service e ao apoio do goberno de Rómulo Gallegos, puido trasladarse a Venezuela.
Jesús López, un piloto de carreiras, morre accidentalmente e os veciños da súa localidade quedan conmocionados. O seu curmán Abel, un adolescente sen rumbo, séntese aos poucos tentado a ocupar o seu lugar. Instálase cos pais de Jesús, viste a súa roupa, sae cos seus amigos e coa súa exmoza... Ao primeiro a xente acéptao e a Abel gústalle este papel. Pero a semellanza co seu curmán vólvese desacougante, ata o punto de que acaba transformándose en Jesús López. Na vila organízase unha carreira en homenaxe a Jesús. Animado polo espírito do seu curmán, Abel conduce o coche do defunto.
Unha muller desaparece. Dous homes saen na súa procura: ambos os dous a aman. Por que marchou? Cada un deles ten a súa propia sospeita e ocúltalla ao outro que —misteriosamente— nunca chega a ser o seu rival. Ningún ten razón, pero, alguén tena?
Manuel ten 16 anos, vive nunha pequena vila costeira e toca o baixo nunha banda cos seus mellores amigos. Un deles é Felipe, con quen comparte unha forte amizade desde cativo. Manuel está a saír con Azul; con ela está a explorar a súa relación intensamente. Pero cando chega o momento do seu primeiro encontro, Manuel sente algo completamente novo que lle fai dubidar sobre o curso da relación con Azul e conectarse co que está a sentir polo seu mellor amigo.
A revolución (é) probable
Para que serve unha revolución? Unha revolución aluma outras posibilidades de vida. Velaquí a premisa da que parte esta curtametraxe, que toma como caso de estudo a última das grandes revolucións europeas, a que tivo o seu comezo o 25 de abril de 1974 en Portugal, afonda nas súas raíces coloniais e reflexiona sobre o seu final o 25 de novembro de 1975.
Anatomía dunha serea
Adaptación cinematográfica do musical homónimo que se estreou en Broadway en 1960. Trata sobre a lendaria historia do reino medieval de Camelot. O cabaleiro francés Lancelot du Lac ou Lanzarote do Lago (Franco Nero) chega á corte do rei Arturo (Richard Harris) para se integrar na Orde da Mesa Redonda que vén de crear o monarca inglés. Lanzarote namora da raíña Xenebra (Vanessa Redgrave) e o seu amor é correspondido. Ao se decatar, Arturo, cego pola carraxe, destrúe a famosa mesa.
São Paulo. Nun futuro distópico non moi afastado do presente está a circular un virus que ataca principalmente o cerebro e a capacidade de lembrar. Un estado que esqueceu un pasado marcado polo colonialismo e a ditadura agarda desesperadamente algunha indeterminada ‘Fase Dourada’. Tres mozos queer deambulan por unha cidade desangrada pola pandemia e o capitalismo desenfreado, lembrando os últimos amantes, compartindo as súas experiencias co VIH, recibindo consellos de maquillaxe e, finalmente, xuntándose con outras persoas esquecidas pola sociedade.
