É case imposible contemplar os fenómenos artísticos do s. XXI sen comprendelos como un cúmulo de disciplinas converxentes. Músicos, cineastas, artistas visuais ou escritores apóianse mutuamente para dar lugar a novos formatos e correntes que avanzan inexorablemente cara a unha renovación dos vellos conceptos que rodean a maridaxe entre a música e a imaxe.
O disco perdido
Andrés Rodrigues + Iván Nespereira ft. INCRA
Incra é unha proposta audiovisual que, a través da semiótica da imaxe e do son presente no traballo do ferro, propón un espectáculo industrial que experimenta coa abstracción dos elementos da forxa. Fusiónase, para iso, a xeito iconoclasta, cunha deconstrución do son da gaita, propondo unha concepción non identitaria do instrumento que permita buscar novos horizontes para crear un espazo sonoro e visual absorbente e intenso.
É case imposible contemplar os fenómenos artísticos do s. XXI sen comprendelos como un cúmulo de disciplinas converxentes. Músicos, cineastas, artistas visuais ou escritores apóianse mutuamente para dar lugar a novos formatos e correntes que avanzan inexorablemente cara a unha renovación dos vellos conceptos que rodean a maridaxe entre a música e a imaxe.
Sección competitiva que recolle as pezas españolas máis destacadas da tempada. Un programa diverso que aglutina as diferentes tendencias dentro do cinema de autor, desde cine-ensaio ata ficción tradicional.
Adaora + Video2 A/V
Adaora é unha artista multidisciplinaria cuxa música nace nun intento de cristalizar unha identidade difusa, mestura de migración transxeracional, desarraigamento e procura constante así como de catartizar a vida para comprendela mellor. Formada en música clásica pero sen prexuízos, os seus sons camiñan entre o pop e o experimental, e cunha gran presenza vocal.
Video2
Obras de calquera xénero e de calquera nacionalidade. Sección centrada na procura de novas caligrafías fílmicas. Pezas dificilmente catalogables nun xénero que dilúen a idea tradicional do cinema mediante a exploración de sendas innovadoras, próximas á videoarte, o documental ou o cinema de vangarda.
In the Air Tonight
O primeiro día de confinamento pola covid-19 en Nova York, Andrew Norman Wilson foi desaloxado da casa que tiña subarrendada e decidiu coller un voo de 30 dólares a Los Angeles esa mesma noite. Desde unha casa de campo con vistas ao letreiro de Hollywood, comezou a obsesionarse cun encontro que tivera cunha muller que conducía ao seu lado pola autoestrada cantando enfaticamente ao tempo a canción que el escoitaba na mesma emisora de radio. Esa canción era “In the Air tonight”, de Phil Collins.
O imitador
Un imitador de personaxes gaña a vida a duras penas fotografiándose con turistas no boulevard de Hollywood, disfrazado cun traxe irrecoñecible. Un día, na volta ao campamento á beira do río onde vive, atopa a policía confiscando a súa tenda. Desorientado e sen obxectivos, e a medida que vai perdendo cada vez máis o contacto coa realidade por mor do podcast conspiratorio que escoita, o imitador afúndese cada vez máis no mundo de fantasía do seu personaxe.
Os seus traballos foron expostos en espazos como a Tate Modern, Moreira Salles Institute, Itaú Cultural, Fundación Iberê Camargo, Berardo Collection Museum, CAPC Musée d’art Contemporain (Bordeaux) e Pivô Art Center. Forman parte de coleccións como as da Fundación Botín, Itaú Cultural, Nouveau Musée de Monaco, Museu de Arte Moderna de São Paulo, Museu de Arte Moderna do Rio de Janeiro e a Pinacoteca do Estado de São Paulo.
Man 2
Marta Valverde é licenciada pola UPV/EHU no Mestrado de Arte Performativa Tecnolóxica Contemporánea e pola Escuela Sur e a UC3M no Mestrado de Artes e Profesións Artísticas.
Cocreadora do espazo Fuck this Studio en Vigo, compaxina a produción das súas propias pezas audiovisuais con outros traballos como VJ en eventos musicais (Xabier Díaz e Luar na Lubre), performances e teatro (por exemplo Mercaderes de Babel de Carlos Aladro ou Paxaros no cabo de Pistacatro), asistente de montaxe (María y los demás, Gallo) e asistente de dirección (Ursúas).
