Proxección audiovisual

Tolyatti, antigo símbolo do orgullo socialista, é hoxe o Detroit ruso. É neste contexto de desolación que xorde o "Boyevaya Klassika", un movemento de adolescentes que rescata os antigos coches da fábrica local para convertelos nun medio de diversión, de rebeldía e de expresión cara a esperanza, dándolle unha segunda oportunidade a esta icona do esplendor nacional que nunca viviron.Seguimos a Slava, Misha e Lera no ano no que teñen que enfrontarse por vez primeira á idade adulta nun lugar onde semella non haber futuro.

Carla ten 14 anos e é unha moza desafiante e rebelde. Vive nun vello restaurante de estrada nos arredores dunha vila coa súa moza nai solteira mentres falta a clase e pasa as horas co seu amigo Efraín. Cando a asistenta social se decata de que está embarazada de cinco meses, Carla ingresa en La Maternal, un centro para nais menores de idade onde comparte o seu día a día con outras mozas como ela. Xuntas cos seus bebés, enfrontaranse a este novo mundo de adultos para o que non lles deu tempo a prepararse.

Ecoloxistas en Acción presenta o documental “Alegría” para conmemorar o vixésimo aniversario do desastre ecolóxico provocado polo afundimento do petroleiro Prestige.

O documental, producido pola organización ecoloxista e dirixido por Luís Otero, sinala as causas que desencadearon a maior marea negra da costa galega e lembra que, ante a inacción do goberno, foi a marea branca de solidariedade a que se enfrontou ao “chapapote”.

Setembro do 2021. Un grupo de perigosos delincuentes coreanos ten que ser trasladado nun buque de carga de Manila a Busán. Acompáñanos a bordo o capitán da policía coreana Suk-woo e outros 22 detectives experimentados, cada un con polo menos dez anos de experiencia investigando crimes violentos. Axiña, a prisión flotante abandona o porto e comeza o seu camiño cara a Corea. Os prisioneiros están fortemente custodiados e todo está tranquilo a bordo ata que os criminais inician un motín.

Gigi (o tío do propio director) é un policía de tráfico nunha poboación do norte de Italia onde nunca acontece nada extraordinario. Mais un día unha rapaza decide quitar a vida botándose debaixo dun tren. Esta non é a primeira vez. Ante unha inexplicable vaga de suicidios, Gigi comeza a investigar un mundo estraño, entre a realidade e a fantasía, onde un xardín se converte nunha xungla na que sobrevivir.

Hélène vive feliz en parella, mais a súa vida dá unha viraxe o día en que descobre que sofre unha enfermidade rara nos pulmóns. Grazas a un blog, descobre Noruega e decide seguir o seu instinto. Malia a todo o amor que sente por Mathieu, o seu compañeiro de vida, atravesará toda Europa ata chegar a Noruega na procura dun novo camiño.

Verán de 1900, Suíza. A morte de súpeto da súa irmá máis vella obriga a Elisabeth a regresar á casa. Asfixiada polas estritas normas da vila, Elisabeth verase pouco a pouco forzada a rebelarse polo dereito a vivir a súa vida.

O 16 de novembro celébrase o Día Internacional do Patrimonio Mundial, para protexer e preservar todos os sitios naturais e culturais do mundo.

Con este motivo o Museo etnolóxico de Ribadavia amósanos unha peza conservada no museo pertencente á nosa cultura tradicional. Trátase dunha mazadeira do leite, que se empregaba antigamente nos fogares para elaborar a manteiga. Para falarnos deste curioso obxecto o persoal do museo elaborou un vídeo que podedes ver aquí:

Estrea do documental de Xavier Villaverde que nos achega a María Casares, unha muller cuxa vida queda marcada pola guerra civil e o exilio a Francia. Viviremos xunto a ela os feitos históricos máis relevantes do século XX en Europa, unha vida na que se cruzan figuras culturais de primeiro orden. Comprometida e incansable no seu traballo, busca permanentemente propostas escénicas audaces e arriscadas que a acabarán convertendo unha das actrices máis aclamadas do cinema e o teatro francés.

Tras a súbita morte do seu pai, Haas coñece a Will. Comeza así a historia de dous mozos descoñecidos e solitarios que se atopan a través da vasta paisaxe de EEUU.